വാട്‌സ്ആപ്പ് ഗ്രൂപ്പ് അംഗങ്ങൾ അയക്കുന്ന സന്ദേശങ്ങൾക്ക് അഡ്‌മിൻ ഉത്തരവാദിയല്ല; കോടതി

By Staff Reporter, Malabar News
madras-high-court-whatsapp
തമിഴ്‌നാട് ഹൈക്കോടതി
Ajwa Travels

ചെന്നൈ: വാട്‌സ്ആപ്പ് ഗ്രൂപ്പുകളിലെ അംഗങ്ങള്‍ മോശമായതോ കുറ്റകരമായതോ ആയ രീതിയില്‍ മെസേജുകള്‍ അയക്കുകയാണെങ്കില്‍ അതിന് ഗ്രൂപ്പിന്റെ അഡ്‌മിന്‍ ഉത്തരവാദിയാകില്ലെന്ന് കോടതി. തമിഴ്‌നാട് ഹൈക്കോടതിയാണ് ഇത് സംബന്ധിച്ച് വിധി പുറപ്പെടുവിച്ചത്. ഇത്തരം കേസുകളില്‍ കുറ്റവാളിയായ, മെസേജ് അയച്ച വ്യക്‌തിക്കൊപ്പം വാട്‌സ്ആപ്പ് ഗ്രൂപ്പിലെ അഡ്‌മിന്‍ വിചാരണ നേരിടേണ്ടതില്ലെന്നും കോടതി വിധിയില്‍ പറയുന്നു.

ജസ്‌റ്റിസ് ജിആര്‍ സ്വാമിനാഥനാണ് വിധി പുറപ്പെടുവിച്ചത്. ഇതേ വിഷയത്തില്‍ ഈ വര്‍ഷമാദ്യം മഹാരാഷ്‌ട്ര ഹൈക്കോടതി പുറപ്പെടുവിച്ച ഉത്തരവിനെ ഉദ്ധരിച്ചായിരുന്നു തമിഴ്‌നാട് ഹൈക്കോടതിയുടെ വിധി.

‘കാരൂര്‍ ലോയേഴ്‌സ്’ എന്ന വാട്‌സ്ആപ്പ് ഗ്രൂപ്പിന്റെ അഡ്‌മിനും ഹരജിക്കാരനുമായ അഭിഭാഷകന്‍ ആര്‍ രാജേന്ദ്രന് അനുകൂലമായായിരുന്നു കോടതി വിധി. വാട്‌സ്ആപ്പ് ഗ്രൂപ്പില്‍ വന്ന തെറ്റായ മെസേജിന്റെ പേരില്‍ രാജേന്ദ്രനെതിരെ കേസെടുക്കരുതെന്ന് കാരൂര്‍ ജില്ലാ പോലീസിനോട് കോടതി ഉത്തരവിട്ടു.

ഗ്രൂപ്പിന്റെ അഡ്‌മിനിസ്‌ട്രേറ്റര്‍ എന്ന പദവി മാത്രമാണ് രാജേന്ദ്രന് ഉണ്ടായിരുന്നതെങ്കില്‍ അതിന്റെ പേരില്‍ അദ്ദേഹത്തെ ക്രിമിനല്‍ വിചാരണക്ക് വിധേയനാക്കരുതെന്നും കോടതി പറഞ്ഞു. എന്നാൽ മറ്റ് തെളിവുകള്‍ ശേഖരിക്കാന്‍ പോലീസിന് സാധിക്കുകയാണെങ്കില്‍ ഇദ്ദേഹത്തെ ഉള്‍പ്പെടുത്തി കേസെടുത്ത് മുന്നോട്ട് കൊണ്ട് പോകാമെന്നും കോടതി വ്യക്‌തമാക്കി.

Read Also: നീറ്റ് കൗൺസിലിംഗ് വൈകുന്നു; രാജ്യ വ്യാപക സമരത്തിന് ആഹ്വാനം ചെയ്‌ത്‌ ഡോക്‌ടർമാർ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE