ന്യൂ ഡെല്‍ഹി: കേന്ദ്ര സര്‍ക്കാര്‍ പാസാക്കിയ കാര്‍ഷിക നിയമങ്ങള്‍ക്കെതിരെ നിയമ നിര്‍മാണം നടത്താന്‍ സോണിയാ ഗാന്ധിയുടെ നിര്‍ദ്ദേശം. കോണ്‍ഗ്രസ് ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാര്‍ക്കാണ് സോണിയ നിര്‍ദ്ദേശം നല്‍കിയത്.
ഇന്ത്യന്‍ ഭരണഘടനയുടെ 254 (2) അനുച്ഛേദ പ്രകാരം പാര്‍ലമെന്റ് പാസാക്കിയ നിയമങ്ങള്‍ക്കെതിരെ നിയമസഭക്ക് നിയമം പാസാക്കാന്‍ സാധിക്കും. ബിജെപി ഭരണമുള്ള സംസ്ഥാനങ്ങള്‍ യുപിഎ ഭരണകാലത്ത് പാസാക്കിയ ഭൂമിയേറ്റെടുക്കല്‍ നിയമത്തിനെതിരെ നിയമം പാസാക്കിയിരുന്നു. ഇതിനു പുറമേ, കാര്‍ഷിക നിയമങ്ങളെ പിന്തുണച്ച് അധികാരത്തില്‍ നിന്ന് വിരമിച്ച സിവില്‍ സര്‍വീസ് ഉദ്യോഗസ്ഥര്‍ മുന്നോട്ട് വന്നിരുന്നു. ജി. മോഹന്‍ കുമാര്‍, സി.വി ആനന്ദ ബോസ്, ആര്‍.രാമചന്ദ്രന്‍ നായര്‍, എസ്.കൃഷ്ണകുമാര്‍, എസ്.അയ്യപ്പനായര്‍ എന്നിവരാണ് രംഗത്തെത്തിയത്.
