ന്യൂ ഡെല്ഹി: കാര്ഷിക ബില്ലുകള് പാര്ലമെന്റിന്റെ ഇരു സഭകളും പാസ്സാക്കിയ സാഹചര്യത്തില് ശിരോമണി അകാലിദള് (എസ്എഡി) പ്രതിനിധികള് രാഷ്ട്രപതിയെ കണ്ടു. ബില്ലുകള്ക്ക് അന്തിമ അനുമതി നല്കരുതെന്ന് രാഷ്ട്രപതിയോട് സംഘം ആവശ്യപ്പെട്ടു. എന്ഡിഎയിലെ സഖ്യകക്ഷിയായിരുന്നു ശിരോമണി അകാലിദള്. നിര്ബന്ധ ബുദ്ധിയോടെ പാര്ലമെന്റില് പാസ്സാക്കിയ ബില് തിരിച്ചയക്കണമെന്ന് രാഷ്ട്രപതിയോട് അഭ്യര്ത്ഥിച്ചതായി എസ്എഡി നേതാവ് സുഖ്ബീര് സിംഗ് ബാദല് പറഞ്ഞു.
രാഷ്ട്രപതിക്ക് ബില്ലിനെ സംബന്ധിച്ചുള്ള പരാതികള് അടങ്ങിയ നിവേദനവും ഇവര് സമര്പ്പിച്ചു. എസ്എഡിയുടെ കേന്ദ്രമന്ത്രി ഹര്സിമ്രത് കൗര് ബില് പാസ്സാക്കുന്നതില് പ്രതിഷേധിച്ച് രാജിവെച്ചിരുന്നു. ഇതിന് പിന്നാലെ പരസ്യമായ എതിര്പ്പുമായി എസ്എഡി നേതൃത്വവും രംഗത്തെത്തി.
ദീര്ഘകാലമായി എന്ഡിഎയില് സഖ്യകക്ഷിയായിരുന്ന എസ്എഡിയുടെ പിന്തുണ ഇല്ലാതെ തന്നെ ബിജെപി പാര്ലമെന്റില് ബില് പാസ്സാക്കി. അധികം വൈകാതെ തന്നെ രാഷ്ട്രപതിയും ബില്ലില് ഒപ്പുവെക്കുമെന്നാണ് സൂചനകള്.
Related News: ‘വിളകളെക്കുറിച്ച് അറിവില്ലാത്ത മോദി കർഷകർക്ക് വേണ്ടി എന്ത് ചെയ്യാനാണ്’?