കോഴിക്കോട്: സംസ്‌ഥാനത്ത് കോവിഡ് വ്യാപനം കൂടുതലുള്ള ജില്ലകളിൽ ഒന്നായ കോഴിക്കോട് പ്രതിരോധ പ്രവർത്തനങ്ങൾ ശക്‌തമായി തുടരുകയാണ്. ഈ സാഹചര്യത്തിൽ ബേപ്പൂരിലെ കോവിഡ് പ്രതിരോധ പ്രവർത്തനങ്ങൾക്കായി ഓക്‌സിജൻ ആംബുലൻസ് നൽകി മാതൃക തീർക്കുകയാണ് ഫാറൂഖ് കോളേജിലെ പൂര്‍വ വിദ്യാർഥികൾ.
ഫാറൂഖ് കോളേജ് ഓള്‍ഡ് സ്‌റ്റുഡന്റ് അസോസിയേഷന് (ഫോസ) ബേപ്പൂരിനായി കോവിഡ് പ്രതിരോധ പ്രോജക്റ്റിലേക്ക് ആംബുലന്‍സ് സമ്മാനിച്ച വിവരം ബേപ്പൂര്‍ നിയോജക മണ്ഡലത്തിലെ നിയുക്‌ത എംഎല്‍എ പിഎ മുഹമ്മദ് റിയാസാണ് ഫേസ്ബുക്കിലൂടെ അറിയിച്ചത്.
ഫാറൂഖ് കോളേജിലെ പൂര്‍വ വിദ്യാര്‍ഥിയായ മുഹമ്മദ് റിയാസ്, ഫാറൂഖ് കോളേജ് ഓള്‍ഡ് സ്‌റ്റുഡന്റ് അസോസിയേഷന് നന്ദിയറിയിച്ചു. കോളേജ് യൂണിയന്‍ മുന്‍ ഭാരവാഹി കൂടിയാണ് മുഹമ്മദ് റിയാസ്.
Also Read: ലോക്ക്ഡൗൺ മൂന്നാം ദിവസത്തിലേക്ക്; പരിശോധന കർശനമാക്കാൻ പോലീസ്
