ന്യൂഡെൽഹി: കേന്ദ്ര ആഭ്യന്തരമന്ത്രി അമിത്ഷാ ഈമാസം 15ന് കേരളത്തിലെത്തും. രാജ്യവ്യാപക പര്യടനത്തിന്റെ ഭാഗമായി ബിജെപി പാര്ട്ടി യോഗങ്ങളില് പങ്കെടുക്കുന്ന അദ്ദേഹം കേരളത്തിലെ നേതാക്കളുമായി കൂടിക്കാഴ്ച നടത്തും. കഴിഞ്ഞ ഏപ്രില് 29നായിരുന്നു അമിത് ഷായുടെ കേരള പര്യടനം തീരുമാനിച്ചിരുന്നത്. പിന്നീട് ഔദ്യോഗിക കാരണങ്ങളാൽ അത് മാറ്റിവെച്ചുവെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന് വ്യക്തമാക്കിയിരുന്നു. അടുത്ത ലോക്സഭാ തിരഞ്ഞെടുപ്പിന് മുന്നോടിയായി കേരളത്തില് ബിജെപിയെ വളർത്തുക എന്നും ലക്ഷ്യമുണ്ട്.
കേരളം ഉള്പ്പടെ നിലവിൽ ഏഴ് സംസ്ഥാനങ്ങളിലാണ് അമിത്ഷാ പര്യടനം നടത്തുക. നിലവില് രണ്ട് ദിവസത്തെ സന്ദര്ശനത്തിനായി ബംഗാളിൽ എത്തിയിരിക്കുകയാണ്. മെയ് 9ന് അസമിലും മെയ് 14ന് തെലങ്കാനയിലും എത്തുന്ന അമിത്ഷാ ഇവിടെ നിന്നുമാണ് കേരളത്തിലേക്ക് യാത്ര തിരിക്കുന്നത്.
Read also: ശ്രീലങ്കയിലെ സാമ്പത്തിക പ്രതിസന്ധി; രണ്ടു വർഷം നീളുമെന്ന് ധനമന്ത്രി