തിയേറ്ററിൽ വൻ വിജയമായി മാറിയ ‘തണ്ണീർമത്തൻ ദിനങ്ങൾ’ ടീം വീണ്ടും ഒന്നിക്കുന്ന ചിത്രം ‘സൂപ്പർ ശരണ്യ’യുടെ ഫസ്റ്റ് ലുക്ക് പോസ്റ്റർ പുറത്ത്. ഗിരീഷ് എഡി രചനയും സംവിധാനവും നിർവഹിക്കുന്ന ചിത്രം ‘തണ്ണീർ മത്തന്റെ’ വിജയം ആവർത്തിക്കുമെന്ന പ്രതീക്ഷയിലാണ് പ്രേക്ഷകർ.
ശരണ്യ എന്ന കൗമാരക്കാരിയുടെ കോളേജ് ജീവിതവും കുടുംബ ജീവിതവും കോർത്തിണക്കിയുള്ള ഒരു മുഴുനീള ആഘോഷ ചിത്രമാണ് ‘സൂപ്പർ ശരണ്യ’. ആഘോഷ പശ്ചാത്തലത്തിൽ ഉള്ളതാണ് ഇപ്പോൾ പുറത്തുവിട്ട പോസ്റ്ററും. അനശ്വര രാജൻ, മമിത ബൈജു, ദേവിക ഗോപാൽ നായർ, റോസ്ന ജോഷി എന്നിവരെ പോസ്റ്ററിൽ കാണാം.
View this post on Instagram
ഷെബിൻ ബക്കർ പ്രൊഡക്ഷൻസിന്റെയും സ്റ്റക്ക് കൗസ് പ്രൊഡക്ഷൻസിന്റെയും ബാനറിൽ ഷെബിൻ ബക്കറും ഗിരീഷ് എഡിയും ചേർന്ന് നിർമിക്കുന്ന ചിത്രത്തിൽ അനശ്വര രാജനൊപ്പം അർജുൻ അശോകനും കേന്ദ്ര കഥാപാത്രത്തെ അവതരിപ്പിക്കുന്നു.
വിനീത് വിശ്വം, നസ്ലൻ, ബിന്ദു പണിക്കർ, മണികണ്ഠൻ പട്ടാമ്പി, സജിൻ ചെറുകയിൽ, വരുൺ ധാരാ, വിനീത് വാസുദേവൻ, ശ്രീകാന്ത് വെട്ടിയാർ, സ്നേഹ ബാബു, ജ്യോതി വിജയകുമാർ, പാർവതി അയ്യപ്പദാസ്, കീർത്തന ശ്രീകുമാർ, അനഘ ബിജു, ജിമ്മി ഡാനി, സനത്ത് ശിവരാജ്, അരവിന്ദ് ഹരിദാസ്, സനോവർ കൂടാതെ നിരവധി പുതുമുഖങ്ങളും ഈ ചിത്രത്തിൽ അഭിനേതാക്കളായുണ്ട്.
ജസ്റ്റിൻ വർഗീസാണ് ‘സൂപ്പർ ശരണ്യ’യുടെ സംഗീത സംവിധാനം നിർവഹിച്ചിരിക്കുന്നത്. സജിത് പുരുഷൻ ഛായാഗ്രഹണവും ആകാശ് ജോസഫ് വർഗീസ് ചിത്രസംയോജനവും കൈകാര്യം ചെയ്തിരിക്കുന്നു.
Most Read: പുരുഷൻമാര്ക്കായി ചില സ്കിന് കെയര് ടിപ്സുകൾ