ഡെല്‍ഹി: പോലീസിനുനേരെ ഡെൽഹിയിൽ ഗുണ്ടകളുടെ വെടിവെപ്പ്. ജരോദ കലാന്‍ പ്രദേശത്താണ് വെടിവെപ്പുണ്ടായത്. അക്രമികള്‍ക്ക് നേരെ പോലീസും നിറയൊഴിച്ചു. ആര്‍ക്കും പരുക്കേറ്റതായി റിപ്പോര്‍ട്ടുകളില്ല. സംഭവത്തില്‍ നാലുപേര്‍ പോലീസ് പിടിയിലായി.
നേരത്തെ ഡെല്‍ഹിയിലെ രോഹിണി കോടതിയിലും വെടിവെപ്പ് നടന്നിരുന്നു. കഴിഞ്ഞ വെള്ളിയാഴ്‌ച ആയിരുന്നു രാജ്യതലസ്‌ഥാനത്തെ ഞെട്ടിച്ച് വെടിവെപ്പ് നടന്നത്. അക്രമണത്തില്‍ ഗുണ്ടാ നേതാവ് ജിതേന്ദ്ര ഗോഗിയും രണ്ട് കൊലയാളികളുമാണ് കൊല്ലപ്പെട്ടത്. ആറ് പേര്‍ക്ക് വെടിയേല്‍ക്കുകയും ചെയ്‌തിരുന്നു.
ഗോഗിയെ കോടതിയില്‍ ഹാജരാക്കി വിചാണ നടത്തുന്നതിനിടെ ആയിരുന്നു വെടിവെപ്പ് നടന്നത്. അഭിഭാഷകരുടെ വേഷത്തിൽ എത്തിയാണ് അക്രമികൾ കോടതിയിൽ പ്രവേശിച്ചത്.
Most Read: ഭവാനിപൂരിൽ വോട്ടെടുപ്പ് തുടങ്ങി; കനത്ത സുരക്ഷയിൽ മണ്ഡലം
