ശ്രീനഗർ: ജമ്മു കശ്മീരിൽ വീണ്ടും ശക്തമായ ഭൂചലനം അനുഭവപ്പെട്ടു. റിക്ടർ സ്കെയിലിൽ 5.1 തീവ്രത രേഖപ്പെടുത്തിയ ഭൂചലനമാണ് ഇന്ന് വൈകിട്ട് 6.45ഓടെ അനുഭവപ്പെട്ടത്. അഫ്ഗാനിസ്ഥാന്റെയും താജിക്കിസ്ഥാന്റെയും അതിർത്തി പ്രദേശത്താണ് ഭൂചലനത്തിന്റെ പ്രഭവ കേന്ദ്രമെന്നാണ് വിലയിരുത്തൽ.
ഭൂപ്രതലത്തിൽ നിന്ന് 216 കിലോമീറ്റർ താഴെയാണ് ഭൂചലനത്തിന്റെ പ്രഭവ കേന്ദ്രം. ഈ ആഴ്ച ഇത് രണ്ടാം തവണയാണ് കശ്മീരിൽ ഭൂചലനം അനുഭവപ്പെടുന്നത്. തിങ്കളാഴ്ച 5.3 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. രാത്രി ഏഴ് മണിയോടെയായിരുന്നു അന്നത്തെ പ്രകമ്പനം. ഇന്ത്യക്ക് പുറമെ പാകിസ്ഥാനിലും ചൈനയിലും ഭൂചലനം അനുഭവപ്പെട്ടു.
Most Read: പുല്വാമ ആക്രമണത്തില് ഉള്പ്പെട്ട അവസാന ഭീകരവാദിയും കൊല്ലപ്പെട്ടു; പോലീസ്