ലാലിഗയില്‍ സെപ്റ്റംബര്‍ മാസത്തെ മികച്ച താരത്തിനുള്ള പുരസ്‌കാരം സ്വന്തമാക്കി ബാഴ്‌സലോണയുടെ യുവതാരം അന്‍സു ഫതി. ലാലിഗയുടെ തുടക്കത്തില്‍ തന്നെ ബാഴ്‌സലോണക്ക് വേണ്ടി നടത്തിയ മിന്നും പ്രകടനമാണ് 17കാരനായ അന്‍സുവിനെ മികച്ച താരത്തിനുള്ള ഈ അവാര്‍ഡിന് അര്‍ഹനാക്കിയത്.
ലീഗില്‍ ബാഴ്‌സലോണ വിജയം കൊയ്‌ത രണ്ടു മൽസരങ്ങളിലും ഗോളുകള്‍ നേടിയ അന്‍സുവിനെ തേടി ആദ്യമായാണ് മികച്ച താരത്തിനുള്ള ലാലിഗയുടെ പുരസ്‌കാരം എത്തുന്നത്.
Read Also: സിബി മലയില്‍ – രഞ്‌ജിത് കൂട്ടുകെട്ട് വീണ്ടും
വിയ്യാ റയലിനെതിരെ ഇരട്ട ഗോളുകളും, സെല്‍റ്റ വീഗോക്കെതിരെ ഒരു ഗോളുമാണ് ബാഴ്‌സലോണക്കായി അന്‍സു നേടിയത്.
തന്റെ മികച്ച പ്രകടനത്തിലൂടെ ബാഴ്‌സലോണയുടെ ആദ്യ ഇലവനിലെ സ്ഥിര സാന്നിദ്ധ്യമായി മാറാനും അന്‍സു ഫതിക്ക് കഴിഞ്ഞു. മാത്രവുമല്ല മെസി കഴിഞ്ഞാല്‍ ലാലിഗയില്‍ ഈ സീസണില്‍ ഏറ്റവും കൂടുതല്‍ ഷോട്ടുകള്‍ പായിച്ച താരവും അന്‍സു തന്നെയാണ്.
National News: പൂഞ്ചില്‍ വീണ്ടും വെടിനിര്‍ത്തല്‍ ലംഘിച്ച് പാകിസ്ഥാന്‍
