മാഡ്രിഡ്: സ്പാനിഷ് ലാലിഗ ഫുട്ബോള് കിരീടം റയല് മാഡ്രിഡിന് സ്വന്തം. മുപ്പത്തിനാലാം റൗണ്ടില് എസ്പാനിയോളിനെ എതിരില്ലാത്ത നാല് ഗോളിന് തകര്ത്താണ് റയലിന്റെ കിരീടധാരണം. ബ്രസീലിയന് താരം റോഡ്രിഗോ രണ്ടു ഗോള് നേടിയപ്പോള് മാര്കോ അസെന്സിയോയും കരീം ബെന്സേമയും റയലിന്റെ ജയം ആധികാരികമാക്കി.
ലാലിഗയില് റയലിന്റെ മുപ്പത്തിയഞ്ചാം കിരീടമാണിത്. നാല് മൽസരം ശേഷിക്കെയാണ് റയല് കിരീടം സ്വന്തമാക്കിയത്. രണ്ടാം സ്ഥാനത്തുള്ള ബാഴ്സലോണയെക്കാള് പതിനേഴ് പോയിന്റ് മുന്നിലാണ് റയല് മാഡ്രിഡ്.
ഇതോടെ ഇംഗ്ളണ്ട്, ഫ്രാന്സ്, ജര്മനി, ഇറ്റലി, സ്പെയിൻ എന്നിവിടങ്ങളില് ലീഗ് കിരീടം സ്വന്തമാക്കുന്ന പരിശീലകനെന്ന അപൂര്വ നേട്ടവും റയല് കോച്ച് കാര്ലോ അഞ്ചലോട്ടി സ്വന്തമാക്കി. റയല് മാഡ്രിഡ് നായകന് മാഴ്സലോയുടെ ക്ളബിന് ഒപ്പമുള്ള ഇരുപത്തിനാലാം കിരീടം കൂടിയാണ് ഇത്.
Read Also: വിദ്വേഷ പ്രസംഗം; പിസി ജോർജ് പോലീസ് കസ്റ്റഡിയിൽ