ബെംഗളൂരു: ആഗോള ടെക് ഭീമന്മാരായ ആപ്പിള് ഇന്ത്യയിലെ അവരുടെ ഏറ്റവും വലിയ റിയല് എസ്റ്റേറ്റ് ഇടപാടിന് ഒരുങ്ങുന്നതായി റിപ്പോര്ട്ടുകള്. ബെംഗളൂരു നഗരത്തിലെ രണ്ട് ലക്ഷം ചതുരശ്ര അടിയോളം വരുന്ന ഓഫീസ് സമുച്ചയം വര്ഷം 82 കോടിയോളം രൂപ വാടക നല്കിയാണ് ആപ്പിള് ഏറ്റെടുക്കുന്നത്.
പ്രെസ്റ്റിജ് എസ്റ്റേറ്റ്സ് എന്ന കമ്പനിയുമായി ഇതുമായി ബന്ധപ്പെട്ട് കരാറില് എത്തിയെന്നും റിപ്പോര്ട്ടുകള് ഉണ്ട്. ഇന്ത്യയില് തന്നെ നിര്മ്മാണം ആരംഭിച്ച ഐ ഫോണുകള്ക്കായി രാജ്യത്ത് ആദ്യമായി ആപ്പിള് നേരിട്ട് കേന്ദ്രം ആരംഭിക്കാനുള്ള നടപടികള് പുരോഗമിക്കുകയാണ്. ഇതിന്റെ ഭാഗമായാണ് ഓഫീസ് ഏറ്റെടുത്തതെന്ന് സൂചനകളുണ്ട്.
ഏകദേശം 40,00 ജോലിക്കാര്ക്ക് ഒരേ സമയം ഉപയോഗിക്കാവുന്ന തരത്തിലാണ് ഓഫീസ് ക്രമീകരിച്ചിരിക്കുന്നത്. അത്യാധുനിക സംവിധാനങ്ങള് ഓഫീസില് ഒരുക്കും. നിലവിലെ 500,00 ചതുരശ്ര അടിയുള്ള ഓഫീസ് സൗകര്യം ഇതോടെ കമ്പനി ഉപേക്ഷിച്ചേക്കും.