കൊല്‍ക്കത്ത: മുന്‍ ഇന്ത്യന്‍ ക്രിക്കറ്റ് താരം അശോക് ദിന്‍ഡ ബിജെപി അംഗത്വം സ്വീകരിച്ചു. കേന്ദ്രമന്ത്രി ബാബുള്‍ സുപ്രിയോ, ബംഗാള്‍ ബിജെപി വൈസ് പ്രസിഡണ്ട് അര്‍ജുന്‍ സിങ് തുടങ്ങിയവരുടെ സാന്നിധ്യത്തിൽ കൊൽക്കത്തയിൽ നടന്ന ചടങ്ങിൽ വച്ചായിരുന്നു ദിന്‍ഡ ബിജെപിയില്‍ ചേര്‍ന്നത്.
കഴിഞ്ഞ ഫെബ്രുവരി രണ്ടിനാണ് ദിന്‍ഡ അന്താരാഷ്‍ട്ര ക്രിക്കറ്റില്‍ നിന്ന് വിരമിച്ചത്. 13 ഏകദിനങ്ങളിലും 9 ട്വന്റി-20കളിലും ഇന്ത്യൻ കുപ്പായമണിഞ്ഞ താരം ബംഗാളിനായും ഗോവക്കായും രഞ്‌ജി ട്രോഫിയിലും കളിച്ചു. 5 ടീമുകൾക്കായി ഐപിഎല്ലിലും ദിൻഡ കളിക്കളത്തിൽ ഇറങ്ങിയിരുന്നു.
നേരത്തെ മറ്റൊരു മുന്‍താരം മനോജ് തിവാരി തൃണമൂല്‍ കോണ്‍ഗ്രസില്‍ ചേര്‍ന്നിരുന്നു. പശ്‌ചിമ ബംഗാള്‍ മുഖ്യമന്ത്രി മമതാ ബാനര്‍ജി പങ്കെടുത്ത ചടങ്ങളില്‍ വെച്ചാണ് തിവാരി ഔദ്യോഗികമായി പാര്‍ട്ടിയുടെ ഭാഗമായത്.
Read also: രാഹുലിന്റെ വിവാദ പരാമർശത്തിൽ കപിൽ സിബൽ; ആർക്ക് വോട്ട് ചെയ്യണമെന്ന് ജനങ്ങൾക്ക് അറിയാം
