കുവൈറ്റ് സിറ്റി: പോലീസിനെ ആക്രമിച്ച നാല് സഹോദരങ്ങൾ അറസ്റ്റിൽ. കഴിഞ്ഞ ദിവസം അബ്ദുള്ള അൽ മുബാറക് ഏരിയയിൽ ആയിരുന്നു സംഭവം. ബന്ധുക്കൾ തമ്മിൽ തർക്കവും അടിപിടിയും നടക്കുന്നെന്ന് അറിയിച്ച് ആഭ്യന്തര മന്ത്രാലയത്തിലെ കൺട്രോൾ റൂമിൽ അടിയന്തര സന്ദേശം ലഭിക്കുകയായിരുന്നു, ഉടൻ തന്നെ സുരക്ഷാ ഉദ്യോഗസ്ഥർ സംഭവസ്ഥലത്തെത്തി.
എന്നാൽ, തടയാൻ ശ്രമിച്ചപ്പോൾ അടിപിടിയുണ്ടാക്കിയ നാല് സഹോദരങ്ങളും പോലീസിന് നേരെ തിരിഞ്ഞു. മർദ്ദിക്കാൻ ആരംഭിച്ചപ്പോൾ മുന്നറിയിപ്പായി സുരക്ഷാ ഉദ്യോഗസ്ഥർ ആകാശത്തേക്ക് വെടിവെച്ചു. ശേഷം നാല് പേരെയും കീഴ്പ്പെടുത്തി അറസ്റ്റ് ചെയ്യുകയായിരുന്നു. ഇവരെ തുടർ നടപടികൾക്കായി പോലീസ് സ്റ്റേഷനിലേക്ക് കൊണ്ടുപോവുകയും ചെയ്തു.
Also Read: ഒരാഴ്ചത്തെ സന്ദർശനത്തിന് പ്രഫുൽ പട്ടേൽ വീണ്ടും ലക്ഷദ്വീപിലേക്ക്