ബാലുശ്ശേരി: കോഴിക്കോട് ബാലുശ്ശേരി താലൂക്ക് ആശുപത്രിയിൽ വനിതാ ഡോക്ടർക്ക് നേരെയുണ്ടായ അതിക്രത്തിൽ സ്റ്റാഫ് കൗൺസിൽ പ്രതിഷേധിച്ചു. കാഷ്വാലിറ്റി ഡ്യൂട്ടിയിലായിരുന്ന ഡോക്ടർക്ക് എതിരെയാണ് അതിക്രമം നടന്നത്. കോവിഡ് മഹാമാരിക്ക് എതിരെ ആത്മാർഥമായി പൊരുതുന്ന ആരോഗ്യ പ്രവർത്തകർക്ക് നേരെയുണ്ടാകുന്ന ഇത്തരം ഹീന പ്രവർത്തിയെ സ്റ്റാഫ് കൗൺസിൽ അപലപിച്ചു. പ്രതിക്ക് എതിരെ ശക്തമായ നടപടി സ്വീകരിക്കണമെന്നും യോഗം ആവശ്യപ്പെട്ടു. യോഗത്തിൽ മെഡിക്കൽ ഓഫീസർ ഡോ. കെകെ സുരേശൻ, ഡോ. കൃഷ്ണമോഹൻ, കെ ശ്രീനാഥൻ, ജസി വർഗീസ്, ലിസമ്മ, നിഷ, സൗമ്യമോൾ, മോഹൻദാസ് എന്നിവർ സംസാരിച്ചു.
Read also: പാലത്തായിക്കേസ്; പത്മരാജനെതിരെ എത്രയും വേഗം കുറ്റപത്രം സമർപ്പിക്കണമെന്ന് വിമൻ ജസ്റ്റിസ് മൂവ്മെന്റ്