മസ്കറ്റ്: രാജ്യത്തേക്ക് അനധികൃതമായി കടക്കാൻ ശ്രമിച്ച 52 പേരെ ഒമാൻ പോലീസ് അറസ്റ്റ് ചെയ്തു. സമുദ്ര മാർഗമാണ് ഇവർ രാജ്യത്തേക്ക് പ്രവേശിക്കാൻ ശ്രമിച്ചത്. നോർത്ത് അൽ ബാത്തിന ഗവർണറേറ്റിലായിരുന്നു സംഭവം. തീരദേശത്തിന് അടുത്ത് വിവിധ സ്ഥലങ്ങളിൽ നിന്ന് മൂന്ന് ബോട്ടുകളും പോലീസ് പിടിച്ചെടുത്തു.
ഏഷ്യൻ രാജ്യങ്ങളിൽ നിന്നുള്ള വിദേശികളാണ് ഈ ബോട്ടുകളിൽ ഉണ്ടായിരുന്നത്. അധികൃതരുടെ കണ്ണുവെട്ടിച്ച് രാജ്യത്തേക്ക് കടക്കാനായിരുന്നു ഇവരുടെ ശ്രമമെന്ന് ചോദ്യംചെയ്യലിൽ വ്യക്തമായി. പിടിയിലായവർക്കെതിരെ നിയമാനുസൃതമായ നടപടികൾ സ്വീകരിച്ചുവരികയാണെന്ന് ഒമാൻ പോലീസ് പ്രസ്താവനയിൽ അറിയിച്ചു.
Most Read: വിലകൂടിയ സമ്മാനം! നവദമ്പതികൾക്ക് ലഭിച്ചത് പെട്രോളും ഡീസലും