കൊച്ചി: ഐഎസ്എല് ഏഴാം സീസണില് പുതിയ ടൈറ്റില് സ്പോണ്സറെ പ്രഖ്യാപിച്ച് ബ്ളാസ്റ്റേഴ്സ്. ലോകത്തിലെ തന്നെ ഏറ്റവും വലിയ ഓണ്ലൈന് വിദ്യാഭ്യാസ കമ്പനിയായ ‘ബൈജൂസ്‘ ആണ് പുതിയ സ്പോണ്സര്മാര്.
അപ്രതീക്ഷിതമായാണ് ബൈജൂസിന്റെ കടന്നുവരവ്. കഴിഞ്ഞ സീസണ് വരെ മുത്തൂറ്റ് ഗ്രൂപ്പ് ആയിരുന്നു ബ്ളാസ്റ്റേഴ്സിന്റെ ടൈറ്റില് സ്പോണ്സര്മാര്. എന്നാല് പുതിയ പദ്ധതികളെ കുറിച്ചുള്ള അഭ്യൂഹങ്ങള് ഒന്നും തന്നെ ഉണ്ടായിരുന്നില്ല.
നവംബര് 20ന് ആരംഭിക്കുന്ന ഐഎസ്എല് ഏഴാം സീസണില് ബ്ളാസ്റ്റേഴ്സ് താരങ്ങള് അണിയുന്ന ജേഴ്സിയില് മുന്വശത്ത് ‘ബൈജൂസ്‘ ലോഗോ ആയിരിക്കും ഉണ്ടാവുക. മലയാളിയായ ബൈജു രവീന്ദ്രന്റെ ഉടമസ്ഥതയിലുള്ള കമ്പനി നിലവില് ഇന്ത്യന് ക്രിക്കറ്റ് ടീമിന്റെ സ്പോണ്സര് കൂടിയാണ്.
എത്ര വര്ഷത്തേക്കാണ് കരാര് എന്ന് വ്യക്തമായിട്ടില്ല. വൈകാതെ കരാറിന്റെ കൂടുതല് വിശദാംശങ്ങള് പുറത്തുവിടും. ഒപ്പം ആരാധകര് ഏറെ പ്രതീക്ഷയോടെ കാത്തിരിക്കുന്ന ബ്ളാസ്റ്റേഴ്സിന്റെ ഹോം ജേഴ്സിയും ഉടനെ അവതരിപ്പിച്ചേക്കും.
Read Also: ഗോകുലം കേരളയുടെ പരിശീലനം കോര്പ്പറേഷന് സ്റ്റേഡിയത്തില് ആരംഭിച്ചു