എലത്തൂർ: അടച്ചിട്ട ബേക്കറിയിൽ തീപിടിച്ച് കട പൂർണമായും കത്തിനശിച്ചു. എലത്തൂർ പോലീസ് സ്റ്റേഷന് സമീപത്തെ ടേസ്റ്റി ബേക്കറിയിലാണ് തീപിടുത്തമുണ്ടായത്. ശനിയാഴ്ച രാത്രി കട അടച്ചു പോയതായിരുന്നു ബേക്കറി നടത്തിപ്പുകാരനായ പുഷ്പരാജനും ജീവനക്കാരും. പിറ്റേദിവസം രാവിലെ 8 മണിയോടെ കട തുറക്കാനായി എത്തിയപ്പോഴാണ് കത്തിയമർന്ന നിലയിൽ കണ്ടത്.
എലത്തൂർ സ്വദേശി അനസിന്റെ ഉടമസ്ഥയിലുള്ള കടയാണിത്. ബേക്കറിയിലെ ഫ്രീസറും ഫ്രിഡ്ജും പലഹാരങ്ങൾ സൂക്ഷിക്കുന്ന ഷെൽഫുകളും ഉൾപ്പടെ കത്തിനശിച്ചു. ഗ്യാസ് സിലിണ്ടർ കടക്കുള്ളിൽ പിൻവശത്തായി ഉണ്ടായിരുന്നുവെങ്കിലും ഒന്നും സംഭവിച്ചില്ല. 5 ലക്ഷം രൂപയുടെ നഷ്ടം സംഭവിച്ചതായാണ് കണക്കാക്കുന്നത്. ഫയർ യൂണിറ്റ് സ്ഥലത്തെത്തി. എലത്തൂർ പോലീസും സ്ഥലത്തെത്തി പരിശോധന നടത്തി.
Read also:പ്രളയ ഫണ്ട് തട്ടിപ്പ് കേസ്; കുറ്റപത്രം ഇന്ന് സമർപ്പിക്കും