പാറ്റ്ന: അകാരണമായി വെടിയുതിർത്ത് കുട്ടികളെ ഭയപ്പെടുത്തിയെന്ന ആരോപണം ഉന്നയിച്ച് മന്ത്രിപുത്രന് ആൾക്കൂട്ട മർദ്ദനം. ബിഹാറിലെ ബിജെപി നേതാവും ടൂറിസം മന്ത്രിയുമായ നാരായൺ സാഹിന്റെ മകൻ ബബ്‌ലു കുമാറിനെയാണ് നാട്ടുകാർ മർദ്ദിച്ചത്. പൂന്തോട്ടത്തിൽ കളിച്ചുകൊണ്ടിരുന്ന കുട്ടികളെ ഭയപ്പെടുത്താൻ ഇയാൾ വെടിയുതിർത്തിരുന്നു. ഇതിനു പിന്നാലെയാണ് ബബ്‌ലുവിന് മർദ്ദനമേറ്റത്.
പിതാവിന്റെ വാഹനത്തിൽ പാർക്കിലെത്തിയ ബബ്‌ലു മർദ്ദനത്തെ തുടർന്ന് വാഹനം ഉപേക്ഷിച്ച് സ്‌ഥലംവിട്ടു. അതേസമയം മർദ്ദനമേറ്റത് തന്റെ മകനു തന്നെയാണെന്ന് സമ്മതിച്ച നാരായൺ സാഹ് ഒരു കാരണവുമില്ലാതെയാണ് ആളുകൾ മകനെ ഉപദ്രവിച്ചതെന്നും മകന്റെ ലൈസൻസുള്ള തോക്ക് അവർ പിടിച്ചുവാങ്ങി എന്നും ആരോപിച്ചു.
Read also: അവർ നിർമിച്ചത് ഖബറിസ്‌ഥാൻ, ഞങ്ങൾ കൈലാസ് മാനസരോവറും; യോഗി
