തിരുവനന്തപുരം: ബിജെപി ദേശീയ ചുമതലയില് നിന്ന് പികെ കൃഷ്ണദാസിനെ നീക്കി. കൃഷ്ണദാസ് വഹിച്ചിരുന്ന തെലങ്കാനയുടെ ചുമതല വി മുരളീധരന് നല്കി. തമിഴ്നാട്ടില് നിന്നുള്ള രാധാകൃഷ്ണനാണ് കേരളത്തിന്റെ ചുമതല. അതേസമയം എപി അബ്ദുള്ള കുട്ടിക്ക് ലക്ഷദ്വീപിന്റെ ചുമതലയും നല്കി. അടുത്ത നിയമസഭാ തെരഞ്ഞടുപ്പ് ലക്ഷ്യമിട്ട് കേരളത്തില് കൂടുതല് ശ്രദ്ധ കേന്ദ്രീകരിക്കാന് ആവശ്യപ്പെട്ടുവെന്നാണ് ബിജെപി കേന്ദ്ര നേതൃത്വത്തിന്റെ വിശദീകരണം.
Read Also: കശ്മീരിൽ കോണ്ഗ്രസ് ഗുപ്കാർ സഖ്യത്തിനൊപ്പം തന്നെ മല്സരിക്കും
നേരത്തെ തന്നെ മാറ്റവുമായി ബന്ധപ്പെട്ട് ബിജെപിയില് വിവാദങ്ങള് ഉയര്ന്നു വന്നിരുന്നു. അബ്ദുള്ള കുട്ടി ഉള്പ്പെടെയുള്ളവരെ തെരഞ്ഞെടുത്തതിന് എതിരെയാണ് ശക്തമായ വിമര്ശനങ്ങള് ഉയര്ന്നു വന്നത്. ഈ ഘട്ടത്തിലും കൃഷ്ണദാസ് ദേശീയ ഭാരവാഹി പട്ടികയില് തുടരുമെന്നാണ് കരുതപ്പെട്ടതെങ്കിലും അതില് നിന്നും വ്യത്യസ്തമായിട്ടാണ് ഇപ്പോള് തീരുമാനം വന്നിരിക്കുന്നത്.വരാനിരിക്കുന്ന നിയമസഭാ തെരഞ്ഞടുപ്പ് ലക്ഷ്യമിട്ട് കേരളത്തില് കൂടുതല് ശ്രദ്ധ കേന്ദ്രീകരിക്കാന് ആവശ്യപ്പെട്ടുവെന്നാണ് ബിജെപി കേന്ദ്ര നേതൃത്വം വിശദീകരിക്കുന്നത്.