റാന്നി: പത്തനംതിട്ട ജില്ലയിലെ റാന്നിയില് പഞ്ചായത്ത് പ്രസിഡണ്ട് സ്ഥാനം രാജിവെക്കുന്നുവെന്ന് എല്ഡിഎഫ്. ബിജെപി പിന്തുണയില് വിജയിച്ചതിനാലാണ് രാജി. റാന്നിയില് ബിജെപി-സിപിഐഎം കൂട്ടുകെട്ട് എന്ന രീതിയില് വാര്ത്തകള് പ്രചരിക്കുന്നതിനിടയിലാണ് പ്രസിഡണ്ട് സ്ഥാനം രാജിവെക്കുന്നുവെന്ന് എല്ഡിഎഫ് വ്യക്തമാക്കിയത്.
പഞ്ചായത്ത് പ്രസിഡണ്ട് തിരഞ്ഞെടുപ്പില് എല്ഡിഎഫ് നിര്ത്തിയ കേരള കോണ്ഗ്രസ് സ്ഥാനാര്ഥിക്ക് അനുകൂലമായി ബിജെപി വോട്ട് ചെയ്യുകയായിരുന്നു. റാന്നി പഞ്ചായത്തിലെ പതിമൂന്ന് സീറ്റുകളില് എല്ഡിഎഫിനും യുഡിഎഫിനും അഞ്ച്, ബിജെപിക്ക് രണ്ട്, ഒരു സ്വതന്ത്രന് ഇങ്ങനെയായിരുന്നു സീറ്റ് നില. ഒരു സ്വതന്ത്രന്റെയും, രണ്ട് ബിജെപി അംഗങ്ങളുടെയും പിന്തുണയോട് കൂടി കേരള കോണ്ഗ്രസിന്റെ മെമ്പറെ പ്രസിഡണ്ടായി തിരഞ്ഞെടുക്കുകയായിരുന്നു.
Read also: ബിജെപി പിന്തുണച്ചു; റാന്നിയില് ഭരണം എല്ഡിഎഫിന്