കൊല്ലം: സ്ഥാനാർഥികൾ മരിച്ചതിനെ തുടർന്ന് ഉപതിരഞ്ഞെടുപ്പു നടന്ന പൻമന പഞ്ചായത്തിലെ രണ്ടു വാർഡുകളും എൽഡിഎഫിൽ നിന്ന് യുഡിഎഫ് പിടിച്ചെടുത്തു. അഞ്ചാം വാർഡായ പറമ്പിമുക്കിൽ എഎം നൗഫൽ (മുസ്ലിം ലീഗ്), 13ആം വാർഡായ ചോലയിൽ അനിൽകുമാർ (കോൺഗ്രസ്) എന്നിവരാണു വിജയിച്ചത്. ഇരു വാർഡുകളിലും എൽഡിഎഫ് സ്ഥാനാർഥികൾ രണ്ടാമതെത്തി.
അഞ്ചാം വാർഡിലെ യുഡിഎഫ് സ്ഥാനാർഥി നൗഫലിന് 1014 വോട്ടും എൽഡിഎഫ് സ്ഥാനാർഥി ജെ അനിലിന് 678 വോട്ടും ലഭിച്ചു. മൂന്നാമതെത്തിയ ബിജെപി സ്ഥാനാർഥി പൊൻമന ശ്രീകുമാറിന് 18 വോട്ടുകളേ നേടാനായുള്ളൂ.
അതേസമയം, 13ആം വാർഡിൽ യുഡിഎഫ് സ്ഥാനാർഥി 745 വോട്ടും എൽഡിഎഫ് സ്ഥാനാർഥി പരമേശ്വരൻ 674 വോട്ടും നേടി. ബിജെപി സ്ഥാനാർഥി ജെ പങ്കജാക്ഷന് 362 വോട്ടുകളാണു ലഭിച്ചത്. നിലവിൽ യുഡിഎഫാണ് പൻമന പഞ്ചായത്ത് ഭരിക്കുന്നത്.
Also Read: തിരികെ വിളിക്കാതെ ചൈന; മലയാളി മെഡിക്കല് വിദ്യാര്ഥികള് പ്രതിസന്ധിയില്