ശ്രീകണ്‌ഠപുരം: തമ്മിലടിയെ തുടർന്ന് ഭരണം നഷ്‌ടമായ പയ്യാവൂരിൽ കോൺഗ്രസ് നേതൃത്വത്തിന് എതിരെ അണികളുടെ പ്രതിഷേധം. വർഷങ്ങളായി കോൺഗ്രസ് ഭരിക്കുന്ന പയ്യാവൂരിൽ ഗ്രൂപ്പ് കളിയെ തുടർന്ന് ഇത്തവണ വൻപരാജയമാണ് ഉണ്ടായത്. 22 വർഷങ്ങൾക്ക് ശേഷം ഭരണം സിപിഎമ്മിലേക്ക് പോയപ്പോൾ മണ്ഡലം പ്രസിഡണ്ടിനെതിരെയും മറ്റും അണികൾ രംഗത്തെത്തി പ്രതിഷേധിക്കുകയായിരുന്നു.
നവമാദ്ധ്യമങ്ങളിലടക്കം കോൺഗ്രസ് നേതൃത്വത്തിനെതിരെ പ്രതിഷേധം അലയടിച്ചിരുന്നു. അതിനിടെയാണ് പയ്യാവൂർ മണ്ഡലം കമ്മിറ്റിക്ക് മുന്നിൽ കരിങ്കൊടി കെട്ടിയത്. ആരാണ് കൊടി കെട്ടിയതെന്ന് കണ്ടെത്താനായില്ല. ചില നേതാക്കൾ ഇടപ്പെട്ടാണ് കൊടി അഴിച്ചുമാറ്റിയത്.
Read also: ഷോപ്പിംഗ് മാളില്‍ വച്ച് അപമാനിച്ചെന്ന് യുവനടി; അന്വേഷണം നടത്തുമെന്ന് പോലീസ്
