തിരുവനന്തപുരം: ഉഴുന്നുവടയിൽ ബ്ളേഡ് കണ്ടെത്തിയതിനെ തുടർന്ന് കട അടപ്പിച്ചു. വെൺപാലവട്ടം കുമാർ ടിഫിൻ സെന്ററിൽ നിന്ന് വാങ്ങിയ ഉഴുന്നുവടയിലാണ് ബ്ളേഡ് കണ്ടെത്തിയത്. പാലോട് സ്വദേശിയായ അനീഷിനും സനൂഷയ്‌ക്കുമാണ് വടയിൽ നിന്ന് ബ്ളേഡ് കിട്ടിയത്.
സനൂഷ കഴിക്കാൻ വാങ്ങിയ വടയിലാണ് ബ്ളേഡിന്റെ പകുതി കിട്ടിയത്. ഉഴുന്നുവട കഴിക്കുന്ന സമയത്ത് പല്ലിലെ കമ്പിയിൽ കുടുങ്ങുകയായിരുന്നു. തുടർന്ന് ടിഫിൻ സെന്ററിന്റെ അധികൃതരെ വിവരമറിയിച്ചു. പേട്ട പോലീസും ഫുഡ് ആൻഡ് സേഫ്‌റ്റി ഉദ്യോഗസ്‌ഥരും കടയിൽ പരിശോധന നടത്തിയാണ് ഹോട്ടൽ അടപ്പിച്ചത്.
Most Read| കിളിമഞ്ചാരോ കീഴടക്കി അഞ്ച് വയസുകാരൻ; ഇന്ത്യക്ക് അഭിമാന റെക്കോർഡ്
