റായ്‌പൂർ: ഛത്തീസ്ഗഡിലെ റായ്‌പൂർ റെയിൽവേ സ്‌റ്റേഷനിൽ സ്‍ഫോടനം. ആറു സിആർപിഎഫ് ജവാൻമാർക്ക് പരിക്കേറ്റു. പ്രത്യേക ട്രെയിനിൽ ജമ്മുവിലേക്ക് പോകുകയായിരുന്ന സിആർപിഎഫിന്റെ 211 ബറ്റാലിയനിലെ ജവാൻമാർക്കാണ് സ്‍ഫോടനത്തിൽ പരിക്കേറ്റത്.
രാവിലെ ആറരയോടെയാണ് സ്‍ഫോടനം ഉണ്ടായത്. റെയിൽവേ സ്‌റ്റേഷനിലെ സിആർപിഎഫ് സ്‌പെഷ്യൽ ട്രെയിനിൽ ഇഗ്‌നിറ്റർ സെറ്റ് അടങ്ങിയ പെട്ടി തറയിൽ വീണതിനെ തുടർന്നാണ് സ്‍ഫോടനം ഉണ്ടായതെന്നു റായ്‌പൂർ പോലീസ് അറിയിച്ചു.
പരിക്കേറ്റ സിആർപിഎഫ് ജവാൻമാരെ അടുത്തുള്ള ആശുപത്രിയിൽ പ്രവേശിപ്പിച്ചു. സിആർപിഎഫിലെയും ലോക്കൽ പോലീസിലെയും മുതിർന്ന ഉദ്യോഗസ്‌ഥർ റെയിൽവേ സ്‌റ്റേഷനിൽ എത്തിയിട്ടുണ്ട്. സംഭവത്തെക്കുറിച്ച് അന്വേഷണം ആരംഭിച്ചതായി മുതിർന്ന ഉദ്യോഗസ്‌ഥൻ പറഞ്ഞു.
Most Read: മാർഗ നിർദ്ദേശങ്ങൾ ലംഘിച്ചു; സ്‌പൈസ് ജെറ്റിന് കേന്ദ്രത്തിന്റെ കുരുക്ക്
