കാബൂള്: വടക്കന് അഫ്ഗാനിസ്ഥാനിലെ പ്രാദേശിക നേതാവിനെ ലക്ഷ്യമിട്ട് നടന്ന സ്ഫോടനത്തില് ഒരു കുട്ടിക്ക് പരിക്കേറ്റതായി റിപ്പോര്ട്ടുകള്. ബാല്ക്ക് പ്രവിശ്യയില് ഇന്ന് ഉച്ചയോടെയാണ് ആക്രമണം നടന്നത്. ദാവ്ലത് അബാദ് ജില്ലാ മേധാവി മുഹമ്മദ് ഉസഫിന്റെ വാഹനത്തിന് നേരെയാണ് ആക്രമണം നടന്നതെന്ന് പോലീസ് അറിയിച്ചു.
‘ഇന്ന് ഉച്ചക്ക് ദാവ്ലത് അബാദ് ജില്ലാ മേധാവി മുഹമ്മദ് ഉസഫിന്റെ വാഹനത്തില് ബോംബ് പൊട്ടിത്തെറിച്ചു. അപകടത്തില് ഒരു കുട്ടിക്ക് പരിക്കേറ്റു,’ ബാല്ക്ക് പോലീസ് വക്താവ് ആദില് ഷാ ആദില് പ്രസ്താവനയില് അറിയിച്ചു. എന്നാൽ സ്ഫോടനത്തില് ഉസഫിന് പരിക്കേറ്റിട്ടില്ല.
അതേസമയം ബോംബാക്രമണവുമായി ബന്ധപ്പെട്ട് താലിബാന് ഇതുവരെ പ്രതികരിച്ചിട്ടില്ല. സെപ്റ്റംബറില് ദോഹയില് അഫ്ഗാന് സര്ക്കാരും താലിബാനും തമ്മില് സമാധാന ചര്ച്ചകള് നടത്തിയിരുന്നു എങ്കിലും അഫ്ഗാനിസ്ഥാനില് ആക്രമണങ്ങള് തുടര്ക്കഥ ആവുകയാണ്.
Read Also: യുഎസില് മൊഡേണ വാക്സിന് അടിയന്തിര അനുമതി നല്കി