കാബൂള്‍: നഗരത്തിലെ സൈനികാശുപത്രിയില്‍ ഇരട്ട സ്‌ഫോടനവും വെടിവെപ്പും. കാബൂളിലെ ഏറ്റവും വലിയ സൈനികാശുപത്രിയായ സര്‍ദാര്‍ മുഹമ്മദ് ദാവൂദ് ഖാന്‍ ആശുപത്രിയിലാണ് അക്രമ സംഭവങ്ങളുണ്ടായത്. സ്‌ഫോടനങ്ങളിലും വെടിവെപ്പിലും 19 പേര്‍ മരണപ്പെട്ടതായാണ് വിവരം. 50ഓളം പേര്‍ക്ക് പരിക്കേ‌റ്റിട്ടുമുണ്ട്.
ആക്രമണത്തിന് പിന്നില്‍ ആരാണെന്ന് വ്യക്‌തമായിട്ടില്ലെങ്കിലും ആശുപത്രിയില്‍ സുരക്ഷാ ജീവനക്കാരും ഐസിസ് ഖൊറേസാന്‍ തീവ്രവാദികളും തമ്മില്‍ പോരാട്ടം നടന്നതായി പ്രദേശ വാസികള്‍ അറിയിച്ചു.
അതേസമയം സ്‌ഥലത്ത് സുരക്ഷാ സേനയെ വിന്യസിച്ചതായി താലിബാന്‍ വക്‌താക്കള്‍ അറിയിച്ചു. ആക്രമണമുണ്ടായ ആശുപത്രി പരിസരത്ത് നിന്നും വ്യാപകമായി പുകയും പൊടിപടലവും ഉയരുന്നുണ്ട്.
അഫ്ഗാനില്‍ പാശ്‌ചാത്യ സര്‍ക്കാരിനെ പുറത്താക്കി സമാധാനം കൊണ്ടുവന്നുവെന്നാണ് താലിബാൻ അവകാശപ്പെടുന്നതെങ്കിലും രാജ്യത്ത് ആക്രമണങ്ങളുടെയും കൊലപാതകങ്ങളുടെയും പരമ്പര തുടരുന്ന നിലയാണ്.
മിക്ക ആക്രമണങ്ങള്‍ക്ക് പിന്നിലും ഐസിസ് ഖൊറേസാന്‍ ആണെന്നാണ് റിപ്പോർട്ടുകൾ വ്യക്‌തമാക്കുന്നത്‌. നേരത്തെ 2017ലും ഐസിസ് ആശുപത്രിയില്‍ ആക്രമണം നടത്തിയിരുന്നു. അന്ന് 30 പേർക്കാണ് ജീവൻ നഷ്‌ടമായത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
