കൊല്‍ക്കത്ത: പശ്‌ചിമ ബംഗാള്‍ ബിജെപി അധ്യക്ഷന് ദിലീപ് ഘോഷിന് നേരെ ആക്രമണം നടന്നതായി പരാതി. കൂച്ച് ബെഹാര്‍ ജില്ലയില്‍ തിരഞ്ഞെടുപ്പ് റാലിയില്‍ പങ്കെടുത്ത് ദിലീപ് ഘോഷ് മടങ്ങും വഴിയാണ് ആക്രമണം നടന്നത്.
ദിലീപ് ഘോഷിന്റെ കാറിന്റെ ജനാലകള്‍ ടിഎംസി പ്രവര്‍ത്തകര്‍ തകര്‍ത്തുവെന്നും ഇഷ്‌ടികയും ബോംബും ഉപയോഗിച്ചാണ് ആക്രമിച്ചതെന്നും ബിജെപി പറയുന്നു. ആക്രമണത്തിന്റെ ഒരു വീഡിയോ ദിലീപ് ഘോഷ് പങ്കുവെച്ചിട്ടുണ്ട്. അതില്‍ കാറിന്റെ വശത്തെ വിന്റോ തകര്‍ന്നതായി കാണാം.
തൃണമൂല്‍ പതാകകള്‍ കൈവശം വച്ചിരിക്കുന്ന ആളുകള്‍ തങ്ങളെ തോക്കുകള്‍, ബോംബുകള്‍, ഇഷ്‌ടികകള്‍, വടി എന്നിവ ഉപയോഗിച്ച് ആക്രമിച്ചെന്നും ഒരു താലിബാനി ആക്രമണം പോലെയായിരുന്നു തനിക്ക് നേരെ നടന്നതെന്നും ഘോഷ് പറഞ്ഞു.
Read also: മാവോയിസ്‌റ്റ് തടവിലുള്ള ജവാന്റെ ചിത്രം പുറത്തുവിട്ടു
