കോഴിക്കോട്: മുക്കം കൊടിയത്തൂരിൽ വിരണ്ടോടിയ പോത്തിനെ പിടികൂടി. കോഴിക്കോട് കൊടിയത്തൂർ പഞ്ചായത്തിലെ ഗോതമ്പ് റോഡിൽ കശാപ്പിനായി കൊണ്ടുവന്ന പോത്താണ് വിരണ്ടോടിയത്. മണിക്കൂറുകളോളം ജനങ്ങളെ പരിഭ്രാന്തിയിലാക്കിയ പോത്തിനെ നാട്ടുകാരും മുക്കം ഫയർഫോഴ്സും ചേർന്ന് അതിസാഹസികമായാണ് പിടികൂടിയത്.
എടവണ്ണ-കൊയിലാണ്ടി സംസ്ഥാന പാതയിലെ ഗോതമ്പ് റോഡ് അങ്ങാടിയിൽ വെച്ചാണ് പോത്തിനെ പിടികൂടിയത്. വിരണ്ടോടിയ പോത്ത് ഒരാളെ കുത്തി. ഇയാൾക്ക് നിസാരമായി പരിക്കേറ്റിട്ടുണ്ട്. പോത്തിനെ പിടികൂടാൻ ശ്രമിച്ചവർക്കും ചെറിയ തോതിലുള്ള പരിക്കുകളുണ്ട്.
പോത്തിന്റെ ആക്രമണത്തിൽ നിരവധി വാഹനങ്ങൾക്കും കേടുപാടുകൾ പറ്റിയിട്ടുണ്ട്. കൊടിയത്തൂർ സ്വദേശി ഇസ്മയിലിന്റെ പോത്താണ് വിരണ്ടോടിയത്. മുക്കം ഫയർ സ്റ്റേഷൻ ഓഫിസർ ഷംസുദ്ദീന്റെ നേതൃത്വത്തിലുള്ള സംഘമാണ് പോത്തിനെ പിടികൂടിയത്.
Most Read: സിപിഎം കാസർഗോഡ് ജില്ലാ സമ്മേളനം വെട്ടിച്ചുരുക്കി; നാളെ സമാപനം