മസ്ക്കറ്റ് : കോവിഡ് വ്യാപനത്തെ തുടർന്ന് നിർത്തി വച്ചിരുന്ന ബസ് സർവീസുകൾ നാളെ മുതൽ ആരംഭിക്കുമെന്ന് വ്യക്തമാക്കി ഒമാൻ. എല്ലാ റൂട്ടുകളിലെയും ബസ് സർവീസുകൾ ഞായറാഴ്ച മുതൽ പുനഃരാരംഭിക്കുമെന്നാണ് മവാസലാത്ത് അറിയിച്ചത്.
ഈ മാസം 9ആം തീയതി മുതലാണ് മസ്ക്കറ്റിലെയും സലാലയിലെയും സിറ്റി സര്വീസുകളും ഇന്റര് സിറ്റി സര്വീസുകളും നിർത്തി വച്ചത്. ഒമാനിൽ ഏർപ്പെടുത്തിയിരുന്ന കോവിഡ് നിയന്ത്രണങ്ങളിൽ ഇളവ് അനുവദിക്കുന്നതിന്റെ ഭാഗമായാണ് ഇപ്പോൾ ബസ് സർവീസുകൾ പുനഃരാരംഭിക്കാൻ തീരുമാനിച്ചത്. കൂടാതെ രാജ്യത്ത് ഏർപ്പെടുത്തിയിരുന്ന രാത്രികാല കർഫ്യൂ മെയ് 15ആം തീയതി പിൻവലിക്കുമെന്നും ഒമാൻ സുപ്രീം കമ്മിറ്റി നേരത്തെ വ്യക്തമാക്കിയിരുന്നു.
Read also : ഇസ്രയേൽ വ്യോമാക്രമണം; ഗാസയിൽ അന്താരാഷ്ട്ര മാദ്ധ്യമ ഓഫീസുകൾ തകർത്തു