തിരുവനന്തപുരം; കോവിഡ് വ്യാപനം രൂക്ഷമാകുന്ന സാഹചര്യത്തില് ഇന്ന് ചേരുന്ന മന്ത്രിസഭ യോഗത്തില് നിര്ണായക വിഷയങ്ങള് ചര്ച്ചയാകും. കഴിഞ്ഞ കുറച്ചു നാളുകളായി ഉയരുന്ന കോവിഡ് കണക്കുകള് സര്ക്കാരിന് ആശങ്ക ഉണ്ടാക്കുന്നുണ്ട്. കോവിഡ് നിയന്ത്രണങ്ങള് കൂടുതല് കടുപ്പിക്കാന് സര്ക്കാര് തീരുമാനം എടുത്തേക്കും.
കോവിഡ് നിയന്ത്രണങ്ങള് ലംഘിക്കുന്നവര്ക്ക് എതിരെ കര്ശന നിയമ നടപടികളിലേക്ക് നീങ്ങാനാണ് സര്ക്കാര് ആലോചിക്കുന്നത്. സംസ്ഥാനത്ത് ജാഗ്രതക്കുറവ് ഉണ്ടായെന്നുള്ള പരാതികള് ശക്തമാണ്. മാസ്ക് ധരിക്കാതെ യാത്ര ചെയ്യുന്നവര്ക്ക് പിഴത്തുക വര്ദ്ധിപ്പിക്കാനുള്ള നിര്ദേശവും പരിഗണനയിലുണ്ട്.
തദ്ദേശ സ്ഥാപനങ്ങളുടെ സഹകരണത്തോടെ കോവിഡ് പ്രതിരോധം കാര്യക്ഷമമാക്കാനാണ് സര്ക്കാര് തീരുമാനം. ഈ വിഷയങ്ങള് എല്ലാം ഇന്നത്തെ മന്ത്രിസഭ യോഗം ചര്ച്ച ചെയ്യും. കോവിഡ് വ്യാപനം രൂക്ഷമാണെങ്കിലും നിലവില് സംസ്ഥാനത്ത് അടച്ചിടല് പ്രഖ്യാപിക്കണ്ട ആവശ്യമില്ലെന്ന് ഇന്നലെ ചേര്ന്ന സര്വ്വകക്ഷി യോഗം തീരുമാനിച്ചിരുന്നു.
Read Also: കോവിഡ് രോഗിയെ പുഴുവരിച്ച സംഭവം; ജീവനക്കാർക്ക് ഗുരുതര വീഴ്ച