കൽപ്പറ്റ: പച്ചക്കറി തോട്ടത്തിൽ കഞ്ചാവ് കൃഷി നടത്തിയ യുവാവ് പിടിയിൽ. ഷബീർ അസീസിനെ (34)യാണ് നർകോട്ടിക് സെല്ലും മേപ്പാടി പോലീസും ചേർന്ന് അറസ്‌റ്റ് ചെയ്‌തത്‌. മൂപ്പൈനാട് ചോലാടിയിൽ സ്വകാര്യ വ്യക്‌തിയുടെ വീട്ടുപരിസരത്തുള്ള പച്ചക്കറി തോട്ടത്തിൽ നർകോട്ടിക് സെല്ലും മേപ്പാടി പോലീസും ചേർന്ന് നടത്തിയ പരിശോധനയിലാണ് കഞ്ചാവ് ചെടികൾ വളർത്തുന്നതായി കണ്ടെത്തിയത്.
ജില്ലാ പോലീസ് മേധാവി അരവിന്ദ് സുകുമാറിന് ലഭിച്ച രഹസ്യവിവരത്തിന്റെ അടിസ്‌ഥാനത്തിലാണ്‌ ജില്ലാ നർകോട്ടിക് സെൽ ഡിവൈഎസ്‌പി വി റജികുമാറിന്റെ നിർദ്ദേശപ്രകാരം പ്രതിയെ പിടികൂടിയത്. ജില്ലാ ലഹരി വിരുദ്ധ സേനാംഗങ്ങളും മേപ്പാടി എസ്‌ഐ വിപി സിറാജും സംഘവുമാണ് പ്രതിയെ പിടികൂടിയത്.
Read Also: ഇന്ധനവില; രാജ്യത്ത് കഴിഞ്ഞ 10 ദിവസമായി മാറ്റമില്ലാതെ തുടരുന്നു
