മാഹി: വ്യാപാരികള്‍, കടയുടമകള്‍, തെരുവോര കച്ചവടക്കാര്‍ തുടങ്ങി വിവിധ മേഖലകളിലെ അസംഘടിത തൊഴിലാളികള്‍ക്ക് കേന്ദ്രത്തിന്റെ കോണ്‍ട്രിബ്യൂട്ടറി പെന്‍ഷന്‍ (എപിഎസ് പെന്‍ഷന്‍ പദ്ധതി) നിലവില്‍ വന്നു. 60 വയസു കഴിഞ്ഞാല്‍ കുറഞ്ഞത് 3000 രൂപ വീതം ഓരോ മാസവും ലഭിക്കും. മരണശേഷം, പങ്കാളിക്ക് 50 ശതമാനം കുടുംബ പെന്‍ഷനും ലഭിക്കും. എല്ലാ മാസവും വരിക്കാര്‍ ഒരു നിശ്ചിത തുക ബാങ്ക് അക്കൗണ്ടിലേക്ക് നല്‍കണം. നമ്മള്‍ അടക്കുന്ന തുകയുടെ 50 ശതമാനം സര്‍ക്കാരും ബാങ്കില്‍ നിക്ഷേപിക്കും.
Read also: നാലാം ക്ലാസുകാരിയുടെ ചികിത്സാ ചെലവ്; പുസ്‌തകം വിറ്റ് പണം സ്വരൂപിച്ച് അധ്യാപിക
ലൈഫ് ഇന്‍ഷുറന്‍സ് കോര്‍പറേഷന്‍ ആണ് പെന്‍ഷന്‍ ഫണ്ട് നിയന്ത്രിക്കുന്നത്. അക്ഷയ സെന്റര്‍ വഴി പെന്‍ഷന്‍ പദ്ധതി പ്രയോജനപ്പെടുത്താമെന്ന് മാഹി മുനിസിപ്പല്‍ കമ്മീഷണര്‍ വാര്‍ത്താകുറിപ്പില്‍ അറിയിച്ചു.
