എറണാകുളം: ചമ്പക്കര മത്സ്യമാര്‍ക്കറ്റ് നാളെ മുതല്‍ തുറന്ന് പ്രവര്‍ത്തിക്കും. ജില്ലാ കളക്ടര്‍ എസ്. സുഹാസ് ആണ് മാര്‍ക്കറ്റ് തുറക്കാനുള്ള അനുമതി നല്‍കി. കോവിഡ് 19ന്റെ പശ്ചാത്തലത്തില്‍ ജൂണ്‍ 4നാണ് മാര്‍ക്കറ്റ് അടച്ചത്.
കോവിഡ് മാനദണ്ഡങ്ങള്‍ പാലിച്ചായിരിക്കും മാര്‍ക്കറ്റ് തുറന്ന് പ്രവര്‍ത്തിക്കുക. ഒരു എന്‍ട്രിയും എക്‌സിറ്റും മാത്രമേ മാര്‍ക്കറ്റിന് അനുവദിക്കുകയുള്ളു. ചില്ലറ മത്സ്യവില്പന അനുവദിക്കില്ല. രാവിലെ 7മണി വരെയാകും മാര്‍ക്കറ്റ് തുറന്ന് പ്രവര്‍ത്തിക്കുക.
മാര്‍ക്കറ്റ് തുറക്കാനുള്ള അനുമതി തേടി പോലീസ് നേരത്തെ കളക്ടര്‍ക്ക് റിപ്പോര്‍ട്ട് സമര്‍പ്പിച്ചിരുന്നു. തൃക്കാക്കര അസിസ്റ്റന്റ് പോലീസ് കമ്മീഷണര്‍ ആര്‍. വിശ്വനാഥിന്റെ നേതൃത്വത്തില്‍ മാര്‍ക്കറ്റ് പരിശോധിച്ചതിനുശേഷമാണ് റിപ്പോര്‍ട്ട് സമര്‍പ്പിച്ചത്.
