ബെർലിൻ: ചാമ്പ്യന്സ് ലീഗില് ജര്മന് കരുത്തരായ ബയേണ് മ്യൂണിക്കിനെ പുറത്താക്കി സ്പാനിഷ് ക്ളബ് വിയ്യാറയല് സെമിയില്. ബയേണിന്റെ സ്വന്തം മൈതാനമായ അലയന്സ് അരീനയിൽ നടന്ന രണ്ടാം പാദ ക്വാര്ട്ടറില് സമനില പിടിച്ചതോടെയാണ് വിയ്യാറയല് സെമിയിലേക്ക് മുന്നേറിയത്.
ആദ്യ പാദത്തില് സ്വന്തം മൈതാനത്ത് ബയേണിനെ 1-0ന് പരാജയപ്പെടുത്തിയ വിയ്യാറയല് രണ്ടാം പാദത്തില് ടീമിന്റെ കരുത്തുറ്റ പ്രതിരോധ മികവില് 1-1ന് സമനില പിടിച്ചു. ഇരുപാദങ്ങളിലുമായി 2-1ന്റെ ജയം. ഇത് രണ്ടാം തവണ മാത്രമാണ് വിയ്യാറയല് ചാമ്പ്യന്സ് ലീഗിന്റെ സെമിയില് കടക്കുന്നത്.
ഇതിനു മുൻപ് 2005-06 സീസണിലായിരുന്നു ടീമിന്റെ ആദ്യ സെമി പ്രവേശനം. ആദ്യ പാദത്തിലെ ഒരു ഗോളിന്റെ ആനുകൂല്യം ഉണ്ടായിരുന്നതിനാല് ടീമിനെ പ്രതിരോധത്തിന്റെ സകല പാഠങ്ങളും പഠിപ്പിച്ചാണ് കോച്ച് ഉനായ് എമിറി വിയ്യാറയലിനെ കളത്തിലിറക്കിയത്. ഈ തന്ത്രം വിജയിക്കുകയും ചെയ്തു.
Read Also: കാവ്യാ മാധവനെ ആലുവയിലെ വീട്ടിൽ വച്ച് ഇന്ന് ചോദ്യം ചെയ്യും