ചെന്നൈ : തമിഴ്നാട് നിയമസഭാ തിരഞ്ഞെടുപ്പിൽ വോട്ട് ചെയ്യാനെത്തി തമിഴ് താരം ചിയാൻ വിക്രം. വീടിനടുത്തുള്ള പോളിംഗ് ബൂത്തിലേക്ക് നടന്നാണ് താരം എത്തിയത്. രാജ്യത്ത് പ്രതിദിനം ഉയരുന്ന ഇന്ധനവിലയിൽ പ്രതിഷേധം അറിയിക്കുന്നതിനാണ് കാൽനടയായി പോളിംഗ് ബൂത്തിൽ എത്തിയതെന്നാണ് വിലയിരുത്തുന്നത്. നേരത്തെ തമിഴ് താരം വിജയ് സൈക്കിളിൽ പോളിംഗ് ബൂത്തിൽ വോട്ട് ചെയ്യാനെത്തിയതും മാദ്ധ്യമങ്ങളിൽ നിറഞ്ഞിരുന്നു.
#ChiyaanVikram on the way to cast his vote at a polling booth located near his house #TNElections2021#TNAssemblyElections2021 #Chennai pic.twitter.com/rediVTYg0W
— Chiyaan Vikram Fans (@chiyaanCVF) April 6, 2021
നീലാങ്കരിയിലെ വേൽസ് യൂണിവേഴ്സിറ്റി ബുത്തിലാണ് സൈക്കിളിൽ എത്തിയ വിജയ് വോട്ട് രേഖപ്പെടുത്തിയത്. കൂടാതെ സിനിമ താരവും, മക്കൾ നീതി മയ്യം നേതാവുമായ കമൽ ഹാസൻ രാവിലെ തന്നെ വോട്ട് രേഖപ്പെടുത്തിയിരുന്നു. തുടർന്ന് രജനികാന്ത്, അജിത്, ശാലിനി, സൂര്യ, ശ്രുതി ഹാസൻ, നടനും സ്ഥാനാർഥിയുമായ ഉദയനിധി സ്റ്റാലിൻ തുടങ്ങിയ താരങ്ങളും തങ്ങളുടെ സമ്മതിദാന അവകാശം ഇതിനോടകം തന്നെ രേഖപ്പെടുത്തി.
Read also : പയ്യന്നൂരിൽ പ്രിസൈഡിങ് ഓഫീസർക്ക് മർദ്ദനമേറ്റെന്ന് പരാതി