തിരുവനന്തപുരം: പ്രതിപക്ഷ നേതാവ് വിഡി സതീശൻ കോവിഡ് മാനദണ്ഡം ലംഘിച്ചതായി പരാതി. ലോക്ക്ഡൗൺ നിയമം ലംഘിച്ച് എറണാകുളം ഡിസിസി ഓഫീസിൽ സ്വീകരണം ഏർപ്പെടുത്തിയെന്നും തുടർന്ന് കോവിഡ് നിയന്ത്രണങ്ങൾ ലംഘിച്ചുവെന്നും ചൂണ്ടിക്കാട്ടി എഐവൈഎഫ് സംസ്ഥാന ജോയിന്റ് സെക്രട്ടറി എൻ അരുൺ ആണ് മുഖ്യമന്ത്രിക്ക് പരാതി നൽകിയത്.
വിഷയത്തിൽ ജില്ലാ കളക്ടർക്കും പോലീസ് മേധാവിക്കും തെളിവ് സഹിതം പരാതി നൽകിയിട്ടുണ്ട്. തിങ്കളാഴ്ച കോടതിയിലും ഹരജി നൽകുമെന്നും എൻ അരുൺ മാദ്ധ്യമങ്ങളോട് പറഞ്ഞു. പ്രതിപക്ഷ നേതാവായി പ്രഖ്യാപിച്ചതിന് പിന്നാലെ വിഡി സതീശൻ എറണാകുളം ഡിസിസി ഓഫീസിൽ എത്തിയതിനെ തുടർന്നാണ് സ്വീകരണം സംഘടിപ്പിച്ചത്.
Read also: വ്യാജ പ്രചാരണങ്ങൾ; ബാബ രാംദേവിന് നോട്ടീസയച്ച് ഐഎംഎ