കണ്ണൂർ: രാഹുൽ ഗാന്ധിയുടെ കൽപറ്റയിലെ എംപി ഓഫിസിന് നേരെയുണ്ടായ എസ്എഫ്ഐ ആക്രമണത്തിൽ പ്രതിഷേധിച്ച് കോൺഗ്രസ് നടത്തിയ മാർച്ചിനെ പോലീസ് നിഷ്‌ക്രിയമായി നോക്കി നിന്നുവെന്ന് ആരോപിച്ച് പോലീസിന് ഉന്നതാധികാരിയുടെ നോട്ടീസ്.
സംഭവത്തിൽ ഒരു എസ്ഐ ഉൾപ്പടെ ഏഴ് പോലീസുകാർക്കാണ് വീഴ്‌ച ആരോപിച്ച് എസ്‌പി നോട്ടീസ് നൽകിയത്.
റോ‍ഡ് ഉപരോധ സമയത്ത് നടപടി എടുക്കാതെ പൊലീസ് കണ്ടുനിന്നു. പോലീസ് ഒന്നും ചെയ്യാതെ നിൽക്കുന്നത് സിസിടിവിയിൽ നിന്നും വ്യക്‌തമായതായി നോട്ടീസിൽ പറയുന്നു. വീഴ്‌ച കണ്ടെത്തിയതിനാൽ ഇന്ന് വൈകിട്ട് തൻറെ മുൻപാകെ ഓഡർലി മാർച്ച് നടത്തണമെന്നും എസ്‌പി ടികെ രത്‌നകുമാർ നൽകിയ നോട്ടീസിൽ പറയുന്നു.
Most Read: സംസ്‌ഥാനത്ത് വീണ്ടും മാസ്‌ക് നിർബന്ധം; പരിശോധന കർശനമാക്കും
