തിരുവനന്തപുരം: കേരളത്തിൽ കോണ്‍ഗ്രസ് തിരിച്ചുവരവിന്റെ പാതയിലെന്ന് കെസി വേണുഗോപാല്‍ എംപി. പാർട്ടിയാണ് വലുത്. അതിനപ്പുറം മറ്റൊന്നുമില്ല. കേരളത്തിൽ കോണ്‍ഗ്രസ് പൂർവാധികം ശക്‌തിയോടെ മടങ്ങിവരും. കെ സുധാകരനും വിഡി സതീശനും പാർട്ടിയെ നയിക്കുന്നത് മുതിർന്ന നേതാക്കളുടെ അനുഗ്രഹത്തോടെയാണ്. തീയില്‍ കുരുത്ത പ്രസ്‌ഥാനമാണ് കോണ്‍ഗ്രസെന്നും അത് വെയിലേറ്റാല്‍ വാടില്ലെന്നും വേണുഗോപാല്‍ പറഞ്ഞു.
കേന്ദ്ര സര്‍ക്കാരിനെതിരെ രൂക്ഷമായ ഭാഷയിലാണ് വേണുഗോപാല്‍ പ്രതികരിച്ചത്. സാമ്പത്തിക നയങ്ങളെ തകർത്തെറിയുന്ന പ്രക്രിയയാണ് മോദി സർക്കാർ ചെയ്യുന്നത്. കേന്ദ്ര നയങ്ങള്‍ക്കെതിരെ ജനങ്ങളെ അണിനിരത്തും. ഇന്ധന നികുതി കുറയ്‌ക്കാൻ തയ്യാറാവാത്ത മുഖ്യമന്ത്രിയെയും വേണുഗോപാൽ കടുത്ത ഭാഷയിൽ വിമർശിച്ചു. ഇന്ധന വില കൂടുമ്പോൾ സന്തോഷിക്കുന്നയാളാണ് മുഖ്യമന്ത്രി പിണറായി വിജയനെന്ന് വേണുഗോപാല്‍ കുറ്റപ്പെടുത്തി.
Read Also: കേരളത്തിൽ കോവിഡ് മരണം കൂടുന്നു; ആശങ്ക പ്രകടിപ്പിച്ച് കേന്ദ്രം
