കോഴിക്കോട്: കോർപറേഷൻ പരിധിയിലെ കോതിയിൽ ശുചിമുറി മാലിന്യ പ്ളാന്റ് നിർമാണത്തിനെതിരെ നാട്ടുകാർ നടത്തിവരുന്ന സമരം ശക്തമാകുന്നു. കോതിയിലെയും ആവിക്കൽതോടിലെയും ജനകീയ പ്രതിരോധ സമരസമിതിയുടെ നേതൃത്വത്തിൽ ഇന്ന് കോഴിക്കോട് കോർപറേഷൻ ഓഫിസ് വളഞ്ഞു പ്രതിഷേധിക്കും. എംകെ രാഘവൻ എംപി പ്രതിഷേധം ഉൽഘാടനം ചെയ്യും. എംകെ മുനീർ എംഎൽഎയും പങ്കെടുക്കും.
സമരത്തിന് യുഡിഎഫ് പിന്തുണ പ്രഖ്യാപിച്ചിട്ടുണ്ട്. നാട്ടുകാരുടെ പ്രതിഷേധത്തെ തുടർന്ന് മൂന്ന് ദിവസമായി പ്ളാന്റിന്റെ നിർമാണ പ്രവർത്തനങ്ങൾ നിർത്തിവെച്ചിരിക്കുകയാണ്. ജനവാസ മേഖലക്ക് നടുവിൽ പ്ളാന്റ് പണിയാൻ അനുവദിക്കില്ലെന്ന നിലപാടിലാണ് നാട്ടുകാർ.
Most Read: വിഴിഞ്ഞം സമരം; അദാനിയുടെ ഹരജി ഇന്ന് വീണ്ടും ഹൈക്കോടതിയിൽ