കൊച്ചി: കസ്റ്റംസിന് നല്കിയ രഹസ്യമൊഴിയുടെ പകര്പ്പ് ആവശ്യപ്പെട്ട് സ്വര്ണക്കടത്ത് കേസിലെ പ്രതി സ്വപ്ന സുരേഷ് നല്കിയ ഹരജിയില് ഹൈക്കോടതി ഇന്ന് വിധി പ്രസ്താവിക്കും. കീഴ്ക്കോടതി സ്വപ്നയുടെ ഹരജി നേരത്തെ തള്ളിയിരുന്നു.
ഇതിനെ തുടര്ന്നാണ് ഇവര് ഹൈക്കോടതിയെ സമീപിച്ചത്. 33 പേജുള്ള രഹസ്യമൊഴിയുടെ പകര്പ്പ് നിയമപരമായ ആവശ്യങ്ങള്ക്ക് നല്കണം എന്നാണ് ഹരജിയില് ആവശ്യപ്പെടുന്നത്. മൊഴിയുടെ രഹസ്യസ്വഭാവം നഷ്ടമായെന്നും അതിനാല് നല്കുന്നതില് തടസമില്ലെന്നും അവര് കോടതിയെ അറിയിച്ചിരുന്നു.
എന്നാല് മൊഴിപകര്പ്പ് നല്കാന് കഴിയില്ലെന്ന് കസ്റ്റംസ് നിലപാട് നേരത്തെ അറിയിച്ചതാണ്. മൊഴിയില് പല ഉന്നതരെയും പരാമര്ശിക്കുന്നു എന്നതിനാല് അത് പുറത്ത് വിടുന്നത് അന്വേഷണത്തെ ദോഷം ചെയ്യുമെന്ന് കസ്റ്റംസ് കോടതിയെ അറിയിച്ചിട്ടുണ്ട്.
Read Also: ഭാഗ്യലക്ഷ്മിയും കൂട്ടരും നിയമം കയ്യിലെടുത്ത കേസ്; മുൻകൂർ ജാമ്യാപേക്ഷയിൽ വിധി ഇന്ന്