കാഞ്ഞങ്ങാട്: കോടതിയുടെ ഇടപെടലിനെ തുടർന്ന് ജയിലിൽ ഇരുന്ന് ഓൺലൈനായി പരീക്ഷ എഴുതി തടവുകാരൻ. ഉദുമ സ്വദേശിയാണ് ഹൊസ്ദുർഗ് ജില്ലാ ജയിലിൽ വെച്ച് ബിടെക് പരീക്ഷ എഴുതിയത്. അടിപിടി കേസിൽ പെട്ട ഇയാൾ ജില്ലാ ജയിലിൽ റിമാൻഡിൽ ആയിരുന്നു.
പരീക്ഷയുള്ള കാര്യം പ്രതി കോടതിയെ അറിയിച്ചിരുന്നു. ഇതിന്റെ അടിസ്ഥാനത്തിൽ കോടതിയാണ് പരീക്ഷക്ക് വേണ്ട സംവിധാനങ്ങൾ ഒരുക്കി കൊടുക്കാൻ അധികൃതർക്ക് നിർദ്ദേശം നൽകിയത്. ആകെയുള്ള നാല് പരീക്ഷയും ഇയാൾ ജയിലിൽ നിന്ന് തന്നെ എഴുതുമെന്നും സംസ്ഥാനത്ത് ആദ്യമായിട്ടാകാം ഒരു തടവുകാരൻ ഓൺലൈൻ ആയിട്ട് പരീക്ഷ എഴുതുന്നതെന്നും ജയിൽ അധികൃതർ പറഞ്ഞു.
Read Also: മിനിമം നിരക്ക് 10 രൂപയാക്കണം; ആവശ്യവുമായി സ്വകാര്യ ബസുടമകൾ