റിയാദ് : സൗദിയിൽ കഴിഞ്ഞ 24 മണിക്കൂറിനിടെ 1,277 പേർക്ക് കൂടി കോവിഡ് സ്‌ഥിരീകരിച്ചു. നിലവിൽ രാജ്യത്ത് ഏറ്റവും കൂടുതൽ പ്രതിദിന രോഗികൾ റിപ്പോർട് ചെയ്യുന്നത് റിയാദിലാണ്. കഴിഞ്ഞ ദിവസങ്ങളിലായി കോവിഡ് കേസുകളിൽ കുറവ് രേഖപ്പെടുത്തിയിരുന്ന റിയാദ് ഇന്നത്തെ കണക്കുകൾ പ്രകാരം പ്രതിദിന കോവിഡ് കേസുകളിൽ ഒന്നാമതെത്തി. 328 പേർക്കാണ് കഴിഞ്ഞ 24 മണിക്കൂറിൽ റിയാദിൽ മാത്രം കോവിഡ് സ്‌ഥിരീകരിച്ചത്‌.
അതേസമയം കഴിഞ്ഞ 24 മണിക്കൂറിൽ കോവിഡ് ബാധിതരായിരുന്ന 16 പേർ കൂടി രാജ്യത്ത് മരിച്ചു. ഇതോടെ രാജ്യത്തെ ആകെ കോവിഡ് മരണസംഖ്യ 7,907 ആയി ഉയർന്നു. 1,080 പേരാണ് കഴിഞ്ഞ 24 മണിക്കൂറിൽ രാജ്യത്ത് കോവിഡ് മുക്‌തരായത്. നിലവിൽ രാജ്യത്ത് ഇതുവരെ കോവിഡ് സ്‌ഥിരീകരിച്ച ആകെ ആളുകളുടെ എണ്ണം 4,95,309 ആയി ഉയർന്നു. ഇവരിൽ 4,75,448 പേരും ഇതിനോടകം തന്നെ രോഗമുക്‌തരായിട്ടുണ്ട്.
രാജ്യത്ത് നിലവിലെ കോവിഡ് മുക്‌തി നിരക്ക് 96 ശതമാനമായി ഉയർന്നിട്ടുണ്ട്. കൂടാതെ കോവിഡ് മരണനിരക്ക് 1.6 ശതമാനമായും തുടരുകയാണ്. 18,701,713 ഡോസ് വാക്‌സിനാണ് ഇതുവരെ രാജ്യത്ത് വിതരണം ചെയ്‌തിട്ടുള്ളത്‌.
Read also : സംസ്‌ഥാനത്ത് മൽസ്യക്കൃഷി വ്യാപിപ്പിക്കാൻ വിപുലമായ പദ്ധതി; മന്ത്രി സജി ചെറിയാൻ
