ന്യൂയോർക്ക്: ലോകത്ത് കോവിഡ് ബാധിതരുടെ എണ്ണം കുത്തനെ ഉയരുന്നു. വേൾഡോമീറ്ററിന്റെ കണക്കുപ്രകാരം കഴിഞ്ഞ ഇരുപത്തിനാല് മണിക്കൂറിനിടെ 3.72 ലക്ഷം പേർക്കാണ് കോവിഡ് സ്ഥിരീകരിച്ചത്. ഇതോടെ ആകെ രോഗബാധിതരുടെ എണ്ണം പതിനെട്ട് കോടി നാൽപത്തിരണ്ട് ലക്ഷം കടന്നു.
മരണസംഖ്യ 39.86 ലക്ഷമായി ഉയർന്നു. പതിനാറ് കോടി എൺപത്തിയഞ്ച് ലക്ഷം പേരാണ് ആകെ രോഗമുക്തി നേടിയത്. ബ്രസീലിലാണ് ഇന്നലെ ഏറ്റവും കൂടുതൽ പേർക്ക് കോവിഡ് സ്ഥിരീകരിച്ചത്. കഴിഞ്ഞ ഇരുപത്തിനാല് മണിക്കൂറിനിടെ രാജ്യത്ത് അരലക്ഷത്തിലധികം കേസുകളാണ് റിപ്പോർട് ചെയ്തത്.
ഇതോടെ ആകെ രോഗബാധിതരുടെ എണ്ണം ഒരു കോടി എൺപത്തിയേഴ് ലക്ഷം പിന്നിട്ടു. ആകെ മരണം 5.23 ലക്ഷമാണ്. ഇന്ത്യയിൽ കഴിഞ്ഞ ദിവസം 44,111 പേർക്കാണ് കോവിഡ് സ്ഥിരീകരിച്ചത്. നിലവിൽ 4.95 ലക്ഷം പേർ ചികിൽസയിലുണ്ട്. മരണസംഖ്യ നാല് ലക്ഷം കടന്നിട്ടുണ്ട്.
Read Also: കരിപ്പൂർ സ്വർണക്കടത്ത്; അർജുൻ ആയങ്കിയെ ഇന്ന് കൊച്ചിയിൽ എത്തിക്കും