തിരുവനന്തപുരം: കോവിഡ് ബാധിതയായി മെഡിക്കല് കോളേജിലെ തീവ്രപരിചരണ വിഭാഗത്തില് ചികില്സയില് കഴിയുന്ന കവയിത്രി സുഗതകുമാരിയുടെ ആരോഗ്യനില അതീവ ഗുരുതരാവസ്ഥയില് തുടരുന്നു. നൂറു ശതമാനം ഓക്സിജനും യന്ത്ര സഹായത്തോടെയാണ് നല്കുന്നത്. എന്നാല്, വളരെ കുറഞ്ഞ അളവിലാണ് ശ്വാസകോശം ഓക്സിജന് സ്വീകരിക്കുന്നത്.
കോവിഡിന്റെ ഭാഗമായുള്ള കടുത്ത ബ്രോങ്കോ ന്യുമോണിയക്കൊപ്പം ഹൃദയം, വൃക്ക എന്നിവയുടെ പ്രവര്ത്തനവും തകരാറിലാണ്. ശ്വാസകോശത്തില് ഗുരുതരമായ രീതിയില് ന്യുമോണിയ ബാധിച്ചു കഴിഞ്ഞു. കാര്ഡിയോളജി, മെഡിക്കല്, സാംക്രമിക രോഗവിഭാഗം, നെഫ്രോളജി, എന്ഡോക്രൈനോളജി എന്നീ വിഭാഗങ്ങളുടെ വിദഗ്ധ ഡോക്ടർമാര് അടങ്ങുന്ന സംഘത്തിന്റെ മേല്നോട്ടത്തിലാണ് ചികില്സ നടക്കുന്നത്.
തിങ്കളാഴ്ചയാണ് സുഗതകുമാരിയെ വിദഗ്ധ ചികില്സക്കായി മെഡിക്കല് കോളേജ് ആശുപത്രിയിലേക്ക് മാറ്റിയത്. ഇന്നലെ രാവിലെ മുതലാണ് ആരോഗ്യനില വഷളായത്.
Also Read: മെഡിക്കല് കോളജില് ഗര്ഭസ്ഥ ശിശുക്കള് മരിച്ച സംഭവം; പോലീസ് കേസെടുത്തു