തിരുവനന്തപുരം: സർക്കാർ ഉദ്യോഗസ്ഥരുടെ കോവിഡ് മാർഗരേഖ പരിഷ്കരിച്ച് ഉത്തരവ് പുറത്തിറങ്ങി. ഇത് പ്രകാരം കോവിഡ് പോസിറ്റീവായ സർക്കാർ ഉദ്യോഗസ്ഥർ ലക്ഷണങ്ങൾ ഇല്ലെങ്കിൽ 7 ദിവസത്തിന് ശേഷം ജോലിക്ക് ഹാജരാകണം. ലക്ഷണങ്ങൾ ഉണ്ടെങ്കിൽ മാത്രം ഇവർ പരിശോധന നടത്തിയാൽ മതിയാകും.
ലക്ഷണങ്ങൾ ഉള്ള ആളുകൾ ആർടിപിസിആർ പരിശോധന നടത്തിയ ശേഷം നെഗറ്റീവ് ആയാൽ ജോലിക്ക് ഹാജരാകണം. അതേസമയം ഗുരുതര രോഗങ്ങൾ ഉള്ളവരും, ജീവിതശൈലി രോഗങ്ങൾ ഉള്ളവരും ലക്ഷണങ്ങൾ ഇല്ലെങ്കിലും 7 ദിവസങ്ങൾക്ക് ശേഷം ആർടിപിസിആർ പരിശോധന നടത്തണമെന്ന് മാർഗരേഖയിൽ വ്യക്തമാക്കുന്നുണ്ട്. അതിന് ശേഷം പരിശോധനയിൽ നെഗറ്റീവ് ആയാൽ ഇവർ ജോലിക്ക് ഹാജരാകേണ്ടതുണ്ട്.
Read also: ബാണാസുര മലയിൽ അനധികൃത കുന്നിടിക്കൽ വ്യാപകം