ഒമാന് : ഒമാനില് കോവിഡ് മുക്തി നേടിയ ആളുകളുടെ എണ്ണത്തില് വലിയ വര്ധന. ആരോഗ്യ മന്ത്രാലയം പുറത്തു വിട്ട കണക്കുകള് പ്രകാരം കഴിഞ്ഞ 24 മണിക്കൂറിനിടയില് രാജ്യത്ത് രോഗമുക്തി നേടിയ ആളുകളുടെ എണ്ണം 3063 ആണ്. ഇതോടെ രാജ്യത്തെ ആകെ രോഗ മുക്തരുടെ എണ്ണം ഒരു ലക്ഷം കടന്നു. രാജ്യത്ത് ഇതുവരെ രോഗമുക്തരായ ആളുകളുടെ എണ്ണം 1,03,060 ആണ്. കൂടാതെ രാജ്യത്തെ രോഗ മുക്തി നിരക്കിലും വലിയ വര്ധനയാണ് രേഖപ്പെടുത്തിയതെന്ന് ആരോഗ്യ മന്ത്രാലയം വ്യക്തമാക്കി. നിലവില് രാജ്യത്തെ കോവിഡ് മുക്തി നിരക്ക് 90 ശതമാനം ആണ്.
രാജ്യത്ത് കഴിഞ്ഞ ദിവസം കോവിഡ് സ്ഥിരീകരിച്ച ആളുകളുടെ എണ്ണം 618 ആണ്. ഇതോടെ രാജ്യത്ത് ആകെ കോവിഡ് ബാധിതരായ ആളുകളുടെ എണ്ണം 1,14,414 ആണ്. കൂടാതെ കഴിഞ്ഞ 24 മണിക്കൂറില് രാജ്യത്ത് 5 പേര് കൂടി കോവിഡ് ബാധിച്ചു മരിച്ചിട്ടുണ്ട്. ഇതോടെ രാജ്യത്ത് കോവിഡ് ബാധിച്ചു മരിച്ച ആകെ ആളുകളുടെ എണ്ണം 1208 ആയി ഉയര്ന്നു.
Read also : വേട്ടയാടലിന് താല്ക്കാലിക അനുമതി; കര്ശന നിബന്ധനകള് പാലിക്കണമെന്ന് സൗദി