ശ്രീനഗർ: ജമ്മുവിൽ 53 റോഹിംഗ്യൻ അഭയാർഥികൾക്ക് കോവിഡ് സ്‌ഥിരീകരിച്ചതായി അധികൃതർ അറിയിച്ചു. കത്‌വ ജില്ലയിലെ ഹിരാനഗർ സബ് ജയിലിൽ കഴിഞ്ഞ മൂന്ന് ദിവസമായി നടന്ന പരിശോധനയിലാണ് ഇത്രയും പേർക്ക് രോഗബാധ ഉള്ളതായി കണ്ടെത്തിയത്. ഇവരിൽ ഭൂരിഭാഗം പേർക്കും ലക്ഷണങ്ങൾ ഒന്നും തന്നെയില്ല. രോഗബാധ ഉണ്ടായവർ ഇപ്പോൾ നിരീക്ഷണത്തിൽ കഴിയുകയാണ്.
വൈറസ് കൂടുതൽ പേരിലേക്ക് പടർന്നിട്ടുണ്ടോ എന്നറിയാനായി ശേഷിക്കുന്ന എല്ലാ തടവുകാരെയും ഇന്നും, നാളെയും പരിശോധനക്ക് വിധേയരാക്കും. റിപ്പോർട് പുറത്തു വന്നതിന് പിന്നാലെ ജയിൽ പരിസരം മുഴുവനും അണുനശീകരണം നടത്തിയതായി ബന്ധപ്പെട്ട ഉദ്യോഗസ്‌ഥർ അറിയിച്ചു. അർഹരായ 58 അഭയാർഥികൾക്ക് ഏപ്രിൽ 6ന് നടന്ന ക്യാംപിൽ വച്ച് വാക്‌സിനേഷൻ നൽകിയെന്നും അധികൃതർ വ്യക്‌തമാക്കി.
Read Also: ലക്ഷദ്വീപ് അഡ്‌മിനിസ്ട്രേറ്ററുടെ തീരുമാനങ്ങൾ അനാവശ്യം; പ്രധാനമന്ത്രിക്ക് ശരദ് പവാറിന്റെ കത്ത്
