ന്യൂഡെൽഹി: പകുതിയിലേറെ ജീവനക്കാർക്ക് കോവിഡ് സ്‌ഥിരീകരിച്ചതിന്റെ പശ്‌ചാത്തലത്തിൽ സുപ്രീം കോടതിയിൽ കൂടുതൽ നിയന്ത്രണങ്ങൾ. കോടതി വളപ്പിൽ കൂട്ടംകൂടൽ വിലക്കി. പനി, ചുമ തുടങ്ങിയ രോഗലക്ഷണങ്ങൾ ഉള്ളവർ കോടതിയിൽ പ്രവേശിക്കരുത്. രോഗലക്ഷണങ്ങൾ ഉള്ള അഭിഭാഷകരും ജീവനക്കാരും ഉടൻ തന്നെ ആർടിപിസിആർ ടെസ്‌റ്റ് നടത്തണം. മൂന്ന് പേരിൽ കൂടുതൽ ലിഫ്‌റ്റിൽ കയറരുതെന്നും പ്രത്യേക നിർദ്ദേശമുണ്ട്.
അതേസമയം, രാജ്യത്ത് പ്രതിദിന കോവിഡ് കേസുകൾ ഉയർന്ന് തന്നെ നിൽക്കുകയാണ്. 24 മണിക്കൂറിനിടെ 1,84,372 പേർക്കാണ് രാജ്യത്ത് പുതിയതായി കൊറോണ വൈറസ് ബാധ സ്‌ഥിരീകരിച്ചത്. ഇന്ത്യയിൽ ഇത് ഇത്രയധികം പോസിറ്റീവ് കേസുകൾ ഒരു ദിവസം റിപ്പോർട് ചെയ്യപ്പെടുന്നതും ആദ്യമായാണ്.
Also Read: കളക്‌ടർമാർക്ക് 144 പ്രഖ്യാപിക്കാം; ഇഫ്‌താർ വിരുന്നുകൾ ഒഴിവാക്കാൻ നിർദ്ദേശം
