ന്യൂയോർക്ക്: കോവിഡ് വൈറസിന്റെ ഇന്ത്യൻ വകഭേദങ്ങൾക്ക് പുതിയ പേരുകള് നല്കി ലോകാരോഗ്യ സംഘടന. ഇന്ത്യന് വകഭേദങ്ങളായ ബി-1.617.1, ബി-1.617.2 എന്നീ കോവിഡ് വൈറസുകള് കാപ്പ, ഡെല്റ്റാ എന്നീ പേരുകളില് ഇനി അറിയപ്പെടും. ഡബ്ള്യുഎച്ച്ഒയാണ് ഇന്ത്യന് വകഭേദം വന്ന വൈറസുകള്ക്ക് ഗ്രീക്ക് ആല്ഫബെറ്റുകള് വിളിപ്പേരായി നല്കിയത്.
നേരത്തെ ഇന്ത്യന് വകഭേദം എന്ന് വൈറസുകളെ വിശേഷിപ്പിക്കുന്നതിനെ ഇന്ത്യ എതിര്ത്തിരുന്നു. ഇതേ തുടര്ന്നാണ് ഇന്ത്യന് വകഭേദം എന്നുവിളക്കുന്നതിന് പകരം കാപ്പ, ഡെല്റ്റാ എന്നീ പേരുകളില് വൈറസുകളെ സംബോധന ചെയ്യണമെന്ന് ഡബ്ള്യുഎച്ച്ഒ ആവശ്യപ്പെട്ടത്.
വകഭേദം സംഭവിച്ച കോവിഡ് വൈറസുകള്ക്ക് നിലവില് മറ്റ് പേരുകളൊന്നും നൽകിയിട്ടില്ല എന്നതിനാലാണ് ഇവയ്ക്ക് ഗ്രീക്ക് ആല്ഫബെറ്റുകളുടെ പേരുകള് നല്കുന്നത്. ബി.1.617.1 എന്ന ഇന്ത്യന് വകഭേദത്തിന് കാപ്പ എന്നും ബി.1.617.2ന് ഡെല്റ്റാ എന്നും പേരു നൽകാനാണ് ഡബ്ള്യുഎച്ച് ഒ തീരുമാനിച്ചത്. ഈ രണ്ടുവകഭേദങ്ങളും ആദ്യമായി ഇന്ത്യയിലാണ് കണ്ടെത്തിയത്.
നേരത്തെ മാദ്ധ്യമ റിപ്പോര്ട്ടുകളിലും ഡബ്ള്യുഎച്ച്ഒ രേഖകളിലും ഇന്ത്യയില് ജനിതക മാറ്റം സംഭവിച്ച വൈറസിനെ ഇന്ത്യന് വകഭേദം വന്ന വൈറസ് എന്ന് വിളിക്കുന്നതില് കേന്ദ്ര ആരോഗ്യ മന്ത്രാലയം എതിര്പ്പ് രേഖപ്പെടുത്തിയിരുന്നു. ഇതേ തുടര്ന്നാണ് വൈറസിനെ കുറിച്ച് ശാസ്ത്രീയ അവബോധമില്ലാത്തവര്ക്കും പരിചിതമാകുന്ന ഗ്രീക്ക് ആല്ഫബെറ്റുകളുടെ പേരുകള് നൽകുന്നതെന്ന് ഡബ്ള്യുഎച്ച്ഒ വ്യക്തമാക്കി.
Read Also: പൗരത്വ അപേക്ഷ വിജ്ഞാപനം റദ്ദാക്കണം; മുസ്ലിം ലീഗ് സുപ്രീം കോടതിയിൽ