തിരുവനന്തപുരം: സിപിഐ സംസ്ഥാന എക്‌സിക്യൂട്ടീവ് യോഗം ഇന്ന് തുടങ്ങും. യോഗം രണ്ടു ദിവസത്തേക്ക് നീളും.ജോസ് കെ മാണിയുടെ ഇടതുമുന്നണി പ്രവേശം, സര്‍ക്കാരിന്റെ പ്രതിച്ഛായക്ക് മങ്ങലേല്‍പ്പിച്ച സ്വര്‍ണകടത്ത്, ലൈഫ് മിഷന്‍ വിവാദങ്ങള്‍, മന്ത്രി കെ.ടി ജലീലിനെതിരായ ആരോപണങ്ങള്‍ തുടങ്ങിയ വിഷയങ്ങള്‍ ഇന്ന് നടക്കുന്ന യോഗത്തില്‍ ചര്‍ച്ച ചെയ്യും.
Read also: ജോസ് കെ. മാണി വിശ്വാസ വഞ്ചന കാട്ടി; രമേശ് ചെന്നിത്തല
ജോസ് കെ. മാണിയുടെ മുന്നണി പ്രവേശം സംബന്ധിച്ച് അനുകൂലിച്ചും പ്രതികൂലിച്ചും ചര്‍ച്ച നടക്കാനാണ് സാധ്യത. കേരള കോണ്‍ഗ്രസുമായി സഹകരിക്കുന്നതില്‍ കടുത്ത എതിര്‍പ്പായിരുന്നു തുടക്കം മുതല്‍ സിപിഐ നേതൃത്വം സ്വീകരിച്ചത്. എന്നാല്‍ സിപിഎം ഇടപെടലിനെ തുടര്‍ന്ന് സിപിഐ വ്യത്യസ്‌ത നിലപാട് എടുക്കുമെന്നാണ് കരുതുന്നത്. യുഡിഎഫ് ബന്ധം ഉപേക്ഷിച്ച്, എംഎല്‍എ, എം.പി സ്ഥാനങ്ങളും രാജി വെച്ച് വന്നാല്‍ കേരള കോണ്‍ഗ്രസുമായി സഹകരിക്കാം എന്ന നിലപാടായിരിക്കും സിപിഐ സ്വീകരിക്കുക.
